Елде әрбір бесінші қазақстандық бизнес саласында жұмыс істейді

Әр бесінші қазақстандық шағын және орта кәсіпкерлікте жұмыс істейді. Бүгінде бұл салада 4,4 млн-нан астам азамат жұмыспен қамтылған.

Бұл көрсеткіш жылма-жыл өсіп келеді. Бұған мемлекеттік қолдау аясының кеңеюі мен азаматтардың кәсіпкерлікке деген ынта-ықыласының артуы себеп.

Менің қолымда ұстап тұрған торт мерекелік кештерде, әсіресе бүгінгі Жаңа жылда, дастархандарыңыздан табылары сөзсіз. Бүгін де дәл осылай 5 мыңнан астам торт дайындалып, осы сөреге сатылымға шығарылады. Бұл кондитерлік желі халықтың сұранысын қанағаттандырып қана қоймай, бүгінде 30-дан аса адамды жұмыспен қамтып отыр. Қазақстанда бизнестің 99 пайызын дәл осындай шағын бизнес құрайды, мұндай шағын бизнестер ел экономикасының маңызды тірегіне айналып отыр.

Динара Есембаева есеп қағаздарын мәзірге ауыстырған маман. Ол алғашында мемлекеттік қызметте есепші болып қызмет еткен қазір кондитерлік желінің иесі. Көпбалалы ана әрдайым жеке бизнесін ашуды армандапты. Алғаш қадам жасағанда қаражат және маман тапшылығына тап болған. Бірақ қиындыққа қасқая қарсы тұрып, шеберлік сыныптарында шыңдалып, талмай ізденіп, тәжірибе жинауға көңіл бөлген.

Динара Есембаева, кондитерлік желінің иесі:

- Кішкентай цехымды ашып бастадым. Бар жоғы үш-ақ адам болдық. Шеф кондитеріміз және админстраторым болды. Осы үшеуіміз бастаған болатынбыз. Бір күн өтті, он күн өтті ақырындап клиенттер келе бастады. Аз болса да инстаграм арқылы жарнама жасап бізді біле бастады.

Кәсібі бір дүкеннен басталды. Кейін мемлекеттен қолдау алып, кондитерлік желі мен торт жасайтын шағын цехқа айналды. Қазір 30-дан астам адамды жұмыспен қамтып отыр. Ол бизнеске арналған тиімді бағдарламалардың барын айтады.

Динара Есембаева, кондитерлік желінің иесі:

- Даму қорына барып, қандай көмек, қандай пайыздар, қаржыны неше жылға береді деп сол кеңес алдым. Шамамызға қарап, қаражатымызды, есептерімізді, салық декларацияларын жинап, шамамыз келіп тұр екен, неге оны қолданбасқа деп, банкке құжаттарымызды тапсырып несие алдық. Өте қолайлы шарттармен.

Кәсіпкерлер үшін екі кепілдік қоры  құрылған. Бірі шағын-орта бизнеске кепілсіз көмек беріп, мемлекеттік қаржыға тәуелділікті азайтуға арналған. Екіншісі ірі инвестициялық жобаларды қолдайды.

Дана Мамбаева,  ҚР ҰЭМ Кәсіпкерлікті мемлекеттік қолдау және қорғау департаментінің бас сарапшысы:

- Шағын және орта бизнеске арналған кепілдік қоры 7 млрд-қа дейінгі жобаларды қаржыландыруға қамтитын, ал ірі инвестицияларға арналған екінші кепілдік қоры 7 млрд-тан асатын жобаларды қаржыландыруға қамтитын қор болып табылады. Бүгінгі таңда бірінші кепілдік қоры шеңберінде 464 млрд теңге сомасында 2 779 жобаға қолдау көрсетелді. Ал екінші кепілдік қоры шеңберінде 23,7 млрд теңге сомасында екі жоба қолдау тапты.

Мемлекет басшысы шағын және орта бизнеске қолдау көрсету – Үкіметтің басым бағыттарының бірі екенін айтқан. Кәсіпкерліктің экономикадағы үлесі 40 пайызға жуықтайды. Енді келер жылдан «іскер аймақ» бағдарламасы іске қосылады.

Дана Мамбаева,  ҚР ҰЭМ Кәсіпкерлікті мемлекеттік қолдау және қорғау департаментінің бас сарапшысы:

- Бағдарлама үш бағыт бойынша іске асырылатын атап өтеміз. Бірінші - қаржылық шаралар шағын бизнестің кредиттік ресурстарға қолжетімділігін кеңейтуге бағытталған. Сыйақы мөлшерлемесін біріктіру және субсидиялау және кредиттерге кепілдік беру. Екіншісі - қаржылық емес шаралар яғнм ол деген кәсіпкерледі онлайн оқыту, біліктілігін арттыруға арналған сервистсік консультациялар болып табылады. Үшінші -инфрострутуркалық шаралар үй жайлары мен жер учаскелерін жеңілдетілген жалға беру болып табылады.

Биыл тоғыз айда шағын-орта бизнестен жергілікті бюджетке 2,5 трлн-нан аса теңге түскен. Бұл шағын және орта бизнестің жергілікті қазынаға айтарлықтай үлес қосып отырғанын көрсетеді.

Авторлары: Асылжан Құрманғали, Самат Қазанбаев