Аризона штатының сенаторы АҚШ президенті сайлауына қатысу мүмкіндігін қарастырып отыр

Гальего 900 латынамерикалық азамат қатысқан Америка құрылыс индустриясы қауымдастығының (ABA) жыл сайынғы кешкі асында сөз сөйледі.

— Бір нәрсені анықтап алайық және ешкімнің, әсіресе осы жағдайда, оны ұмытуына жол бермейік: латынамерикандықтар — патриоттар. Бұл ел бізді толықтай жақсы көрмесе де, біз бұл елді жақсы көреміз. Егер сіз бұл елдің гүлденіп, үздік болуын қаласаңыз, әлемде үздіктер қатарында болғыңыз келсе, онда латынамерикандықтарға инвестиция салуыңыз керек. Біз — болашақпыз, біз — халықпыз, біз — нарықпыз, біз — жұмысшылармыз, біз — тұтынушылармыз, — деп келтірдің оның сөзін NBC News. 

Гальегоның айтуынша, ол 2024 жылғы президент сайлауында партиядан теріс айналған латынамерикалық электоратты қалай қайтару туралы демократтармен келіссөз жүргізуді жалғастырады. Сол кезде вице-президент Камала Харристі латынамерикалықтардың 51%-ы қолдады.

Гальего АҚШ-тың Иммиграция және кеден полициясына қатысты қазіргі уақытта көптеген демократтар насихаттап жатқан «ICE-ді жою» идеясын қабылдамайтынын мәлімдеді. 

— Бізге жаман адамдарды депортациялайтын иммиграциялық қызмет қажет екенін білеміз. Біз жаман адамдардың елге кіргізілмеуін қалаймыз. Біз олардың елге заңсыз кіргізілмеуін қалаймыз, — деп хабарлады Рубен Галлего.

Сенатор билікті теріс пайдаланудың алдын алу үшін қызметті реформалау, оның өкілеттігін шектеу қажет деп санайды, «бірақ елде иммиграциялық заңдарды орындау тетігі болмайды деген ойдың өзі абсурд, себебі бұл ешқашан болмайды». 

Гальего Израильге қатысты оның әскери операцияларының көптеген аспектілерімен, соның ішінде Иранмен соғыс және Ливанға қатысты саясатымен келіспейтіндіктен елдің шабуылдау әлеуетіне қаражат бөлу идеясын қолдамайтынын мәлімдеді. Алайда ол Израиль қорғанысын қаржыландыруды қолдайды.

Гальего — Теңіз жаяу әскерлерінің ардагері және Гарвард университетінің түлегі. Ол үш баланың әкесі.

Оның әкесі Мексикадан шыққан, ал анасы колумбиялық. Анасы ұлын және әпкелерін Чикагоның оңтүстік жағында жалғыз өсірген.

Гальего өзін латынамерикалық сайлаушылар үшін лайықты саяси тұлға деп санайды, бұл өзін 2028 жылы АҚШ президенті қызметіне үміткер ретінде қарастыруының бір себебі.

Осыған дейін вице-президент Джей Ди Вэнс Республикалық партия атынан 2028 жылы президент қызметіне басты үміткер болғанын жаздық. 

Сондай-ақ Нью-Джерси штатынан шыққан сенатор Кори Букер 2028 жылы президенттікке үміткер болуы мүмкін екенін мәлімдеді.