Армения Ресейге саяси босқындарды беруден бас тартты

Ел парламентінің спикері Ресейдің сұрауы бойынша ұстаудың «жекелеген жағдайлары» болғанын мойындады, бірақ «мән-жай анықталғаннан кейін» мұндай азаматтардың босатылғанына сендірді, деп хабарлайды Arasha.kz.

Армения өз елінде саяси себептермен қудаланып жатқан ресейліктерді бермейді, деп мәлімдеді республика парламентінің басшысы Ален Симонян. Бұл туралы дүйсенбі, 16 ақпанда TMT хабарлады.

«Мен сіздерге кепілдік беремін  ешбір адам саяси себептермен ұсталмайды немесе үшінші бір елге шығарылмайды. Мен мұны ресми түрде кепілдікпен айтамын», - деп атап өтті спикер.

Ол Ресейдің сұрауы бойынша «жекелеген» ұстау жағдайлары болғанын, бірақ «мән-жай анықталған соң» ол азаматтардың босатылғанын мойындады.

«Армениядан бірде-бір адам депортацияланған жоқ»,  деді Симонян. Ол сондай-ақ республикаға Ресейде «шетелдік агент» деп жарияланған көптеген әртістердің концерт қоюға келетінін және мұндай іс-шаралардың «өте жақсы өтіп жатқанын» қосып өтті.

Ресей Украинаға басып кіргеннен кейін соғысқа қатысқысы келмей, қашқан төрт ресейлік әскери қызметшіні Армения ұстаған болатын, бірақ кейін олар босатылды. 2025 жылдың шілдесінде республика Ереванға қашып келген зымыран әскерлерінің 25 жастағы атқышы Семен Субботинді Ресейге беруден бас тартты.

Ал 2023 жылы Армения Мәскеудің сұрауы бойынша ұсталып, дезертирлік жасады деп күдіктелген Юрий Тростянскийді босатқан еді. Тағы бір әскери қызметші  Дмитрий Сетраковты Ресейдің әскери полициясы ұрлап әкеткен болатын. Арменияның ЕО-дағы елшісі Тигран Балаян бұл жағдайдың елдер арасындағы қолданыстағы құқықтық келісімдерді айналып өту арқылы болғанын айтты. Республика премьер-министрі Никол Пашинян бұл ұстауды «заңсыз» деп атады.

Сонымен бірге, ресейліктерді экстрадициялау мәселесінде Қазақстанда өзгеше жағдай қалыптасты. 2026 жылдың басынан бері республика Мәскеудің төрт адамды экстрадициялау туралы сұрауын қанағаттандыруға келісті: олар  Алексей Навальныйдың Санкт-Петербургтегі штабының бұрынғы қызметкері Юлия Емельянова, шешен оппозиционері Мансур Мовлаев, дезертир Семен Бажуков және Ресейде мемлекеттік опасыздық жасады деп айыпталып жатқан IT-маман Александр Качкуркин.