Әшекей бұйымдар саудасы бәсеңдеді

Биыл әлемде алтын құймасына сұраныс өсіп, құны қымбаттады. Алайда оның инвестициялық тартымдылығы дәстүрлі әшекей бұйымдары нарығына кері әсер етті.

Айталық, Араб әмірліктерінде бағалы тастан жасалған сақина, алқа және білезік саудасы сиреп, айналым қаржысы қысқарды. Сарапшылардың айтуынша, әдетте тұтынушылар тарапынан жоғары бағаланатын Дубай алтыны бұрынғыдай кең көлемде сатылмай жатыр. Жергілікті алтын базарларға келушілер саны кеміген.

Сатып алушылар инвестициялық мақсатта әшекей емес, көбіне алтын құймасын таңдайтын болған. Бұл  жағдай нарықта тұрақсыздық тудырды. Десе де кей  кәсіпкерлер бағаны тұрақты деңгейде ұстап, арнайы жеңілдіктер ұсынса, енді бірі тауар жиынтығын қысқартып, тек сұранысқа сай бұйым сатуға кіріскен.