Ашық диалогке жол ашады

Сурет: elordainfo.kz

Үгіт жұмысына партия басшылығы, Құрылтай депутаттығына кандидаттар, белсенділер мен партия мүшелері қатысты. Сондай-ақ еліміздің 20 өңіріндегі өкілдері де онлайн форматта қосылды. Осылайша, аймақтарда да өз жұмысын бір мезгілде бастады.

– Бізге жаңа партия құру да, жүйені өзгерту де мүмкін емес дегендер көп болды. Бірақ біз оның керісінше екенін дәлелдедік. Үш жарым жыл ішінде 3 мыңға жуық түзету ұсы­нып, соның жартысынан астамын заңға енгіздік. Вейптерге толық тыйым салу, банк заңнамасындағы өзгерістер, креативті индус­трияны қолдау, мүмкіндігі шектеулі азаматтардың құ­қықтарын қорғау – осының бәрі біздің нақты жұмы­сы­мыздың нәтижесі, – деді А.Қожаназаров.

Сондай-ақ Айдарбек Қожаназаров бастаған деле­гация, Құрылтай депутат­ты­ғына кандидаттар мен партия белсенділері Қара­ғанды облысындағы «Бай­мырза Агро 2018» және «Нур СХ» ЖШС-ларының кәсіпорындарына барды. Де­легация өндіріс жұмы­сы­мен танысып, еңбек ұжым­дарымен кездесті.

Кездесу барысында партияның сайлауалды бағдарламасының негізгі бағыттары таныстырылып, аграрлық сектордағы өзекті мәселелер талқыланды. «Respublica» өкілдері мұн­дай кездесулердің сай-лауалды науқан барысында елі­міздің барлық өңірінде жалғасатынын атап өтті.

Айта кетсек, «Respublica» пар­­тиясының Құрылтай сай­­лауына арналған партия­лық тізіміне еліміздің барлық өңірінен 75 кандидат енгізілді. Олардың
70%-ға жуығы – кәсіпкерлер. Партия барлық 20 өңірдің өкіл­дерін ұсынып, кең өңір­лік қамтуды және коман­даны жаңартуды басты басым­дықтардың бірі ретінде айқындады.