Эстония еліміз үшін Еуропаға жол ашады

Қос елдің ара қатынасы даму қарқынына қарап, арапшылар осындай пікір білдірді. Қазірдің өзінде тараптар бірнеше салада әріптестік орнатқан. Солдардың бірі — цифрландыру саласы.

Эстония Еуропада цифрландыру деңгейі жоғары елдердің бірі ретінде танылған. Өз тәжірибесін Қазақстанмен белсенді түрде бөлісіп отыр. Қос тарап арасындағы екіжақты бағдарламалар аясында электрондық үкімет, киберқауіпсіздік және цифрлық қызметтер саласында бірқатар жоба жүзеге асып келеді.

Жандар Асан, саясаттанушы:

- Азаматтарға арналған электронды үкімет мемлекеттік корпорациясы мен эстонияның электронды басқару академиясы аясында меморандумға қол қойылды. Бұл меморандумдар X-root жүйесі арқылы қазақстандағы смарт бридж платформасының негізіне айналып, мемлекеттік органдарда деректер алмасуды, құжат алмасуды қамтамасыз етті.

Сонымен қатар Эстониямен әріптестік орта дәлізді дамытуға да септігін тигізуі мүмкін. Себебі, жүк тасымалы кезінде туындайтын бюрократикалық кедергілерді азайтады дейді мамандар.

Нұрлан Жұмахан, сарапшы:

- Мысалы, еуропаның деректеріне кіру, ортақ цифрлық базаларына ену мәселесін біз осы Эстониямен ынтымақтастықты кеңейте отырып, жүзеге асыруға болады. одан бөлек, экономикалық даму ұйымының көптеген құжаттарына, одан бөлек оның деректер базасына ену де санкцияға ұрынып қалмау үшін Эстониямен бірігіп атқаруға болады.

Яғни кездесу екі ел арасындағы экономикалық байланыстарды күшейтуге септігін тигізеді. Сондай-ақ сауда, инвестиция және технологиялық ынтымақтастық сияқты салаларда өзара әріптестікті дамытуға мүмкіндік береді.

Авторы: Серік Селеубайұлы