Астана күнін елордалықтар қалай және қай жерде тойлап жатыр

АСТАНА, 6 шілде – Sputnik. Астана күні мерекесіне орай елордада ауқымды мәдени-көпшілік бағдарлама бастау алды. Оның аясында концерттер, спорттық жарыстар, фестивальдер, отбасылық іс-шаралар және жаңа қоғамдық кеңістіктердің ашылуы өтіп жатыр, деп хабарлайды қала әкімдігінің ресми сайты.

© Photo : Пресс-служба акимат АстаныАстана тұрғындары Елорда күнін мерекеп жатыр

Астана тұрғындары Елорда күнін мерекеп жатыр

© Photo : Пресс-служба акимат Астаны

Сағат 11:00-ден бастап Байқоңыр ауданындағы Өндіріс және Кірпішті тұрғын алаптарында, Есіл ауданындағы Пригородный тұрғын алабында, Нұра ауданындағы "Айғыржал" саябағында, Сарайшық ауданындағы Өнеркәсіп тұрғын алабында және Сарыарқа ауданындағы "Қорғалжын" саябағында мерекелік концерттер өтіп жатыр.

© Photo : Пресс-служба акимат АстаныАстана тұрғындары Елорда күнін мерекеп жатыр

Астана тұрғындары Елорда күнін мерекеп жатыр

© Photo : Пресс-служба акимат Астаны

Бағдарлама аясында бірқатар спорттық іс-шаралар ұйымдастырылды. "Триатлон" саябағында жасөспірімдер арасында күрес түрлерінен фестиваль басталды.

"Қатысушылар грэпплинг, дзюдо, джиу-джитсу, еркін күрес, грек-рим күресі және қазақ күресі бойынша бақ сынап жатыр. Бұдан бөлек, бүгін Сарайшық ауданында "Халық қатысатын бюджет" жобасы аясында абаттандырылған Байтұрсынұлы көшесіндегі 17 және 19-үйлердің аулалары салтанатты түрде ашылды", - делінген хабарламада.

© Photo : Пресс-служба акимат АстаныАстана тұрғындары Елорда күнін мерекеп жатыр

Астана тұрғындары Елорда күнін мерекеп жатыр

© Photo : Пресс-служба акимат Астаны

Астана күніне орай ұйымдастырылған шаралар кешке дейін жалғасын табады, дейді әкімдік. Орталық саябақта қонақтарға арт-нысандар көрмесі, стрит-арт аймағы, экологиялық ойындар, қолөнер және шығармашылық шеберлік сабақтары, балаларға арналған интерактивті алаңдар ұсынылатын "Мерекелік саябақ" фестивалі жалғасады.

© Photo : Пресс-служба акимат АстаныАстана тұрғындары Елорда күнін мерекеп жатыр

Астана тұрғындары Елорда күнін мерекеп жатыр

© Photo : Пресс-служба акимат Астаны

"Астана Арена" стадионының екінші автотұрақ аумағында сағат 12:00-ден бастап сауда қатарлары, қолөнершілер жәрмеңкесі, фуд-корт және балаларға арналған ойын-сауық алаңдары жұмысын бастайды.

© Photo : Пресс-служба акимат АстаныАстана тұрғындары Елорда күнін мерекеп жатыр

Астана тұрғындары Елорда күнін мерекеп жатыр

© Photo : Пресс-служба акимат Астаны

"Мерекелік бағдарлама кешкі сағат 18:00-де "Астана Арена" стадионының алдындағы алаңда және "Қазақ елі" монументі алаңында өтетін қазақстандық эстрада жұлдыздарының қатысуымен ашық аспан астындағы ауқымды концерттермен қорытындыланады" - деп хабарлайды әкімдік.

Көрермендерге цифрлық технологиялар мен жасанды интеллект элементтері қолданылған заманауи мультимедиялық шоу ұсынылады.