Астана Қарағанды Алматы тас жолының тағы бір учаскесі жүргізушілер үшін жабылады

Алматы облысында Астана – Қарағанды – Алматы тасжолының бір бөлігінде қозғалыс уақытша шектеледі, деп хабарлайды Tengri Auto.

Шектеулер 17-20 тамыз аралығында күн сайын сағат 06:00-ден 20:00-ге дейін қолданылады және жөндеу жұмыстарына байланысты көліктің барлық түрлеріне қатысты болады.

Қозғалыс Ақсай ауылы маңындағы 1177-шақырымнан Жібек жолы ауылы маңындағы 1186-шақырымға дейінгі учаскеде шектеледі.

Жүргізушілерге айналып өту үшін Ақсай – Байкент, Байкент – Боралдай және Боралдай – Жібек жолы жол учаскелері арқылы өтетін бағыттарды пайдалану ұсынылады.

Жүргізушілерден бағытты алдын ала жоспарлауды және уақытша шектеулерді ескеруді сұрайды.

Еске сала кетейік, бұған дейін Астана – Қарағанды – Алматы тасжолының 1121-ден 1186-шақырымға дейінгі бөлігінде шектеу қойылған болатын. Ол 2026 жылдың 12-20 тамыз аралығында күшінде болады.

Тасжолдардағы қазіргі шектеулер

Қазіргі уақытта жолдың бірнеше учаскесінде қозғалыс шектелген:

7 тамыздан бастап - Алматы - Тараз автожолының учаскесінде (159-дан 238-шақырымға дейін). Жұмыстардың болжамды мерзімі - бір ай; 30 шілде мен 25 тамыз аралығында - Алматы - Төңкеріс - Байсерке - Междуреченск автожолында; 24 шілде мен 30 қараша аралығында - Медеу - Тұйықсу автожолында; 5 пен 25 тамыз аралығында - Астанадағы Алаш тасжолының бір бөлігінде.

Google News арқылы жаңалықтарымызды қадағалаңыз

Жазылу