Астанада 12 жасқа дейінгі теннисшілер арасында Қазақстан кубогы басталды

Астанада 12 жасқа дейінгі теннисшілер арасында Қазақстан кубогының матчтары басталды. Биыл командалық турнир оныншы рет өткізіліп, еліміздің әр өңірінен 16 үздік құрама команданы жинады, - деп хабарлайды Aikyn.kz.

Әр өңірдің командасы үш ұл, үш қыз және екі капитаннан құралған. Жас теннисшілер Қазақстанның үздік теннис өңірі атағы үшін сынға түседі.

Қазақстан теннис федерациясының атқарушы директоры Медет Байкен Қазақстан кубогы жас спортшыларды даярлау және ұлттық құрамалардың болашақ резервін қалыптастыру жолындағы маңызды кезеңдердің бірі екенін атап өтті.

12 жасқа дейінгі ойыншылар арасындағы Қазақстан кубогының матчтары Астанадағы Beeline Arena Ұлттық теннис орталығының ашық хард корттарында өтіп жатыр. Теннис федерациясы мәліметінше, жарыс 22 тамызға дейін жалғасады.

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз.