Астанада Сауран көшесіндегі көпқабатты үйдің тұрғындары эвакуацияланып жатыр

Елордалық құтқарушылар Есіл ауданындағы Сауран көшесінің бойында орналасқан тоғыз қабатты тұрғын үйден шыққан өртті сөндіріп жатыр, - деп хабарлайды Tengrinews.kz Төтенше жағдайлар министрлігінің ресми Telegram-арнасына сілтеме жасап.

Ведомствоның мәліметінше, бірінші қабаттағы пәтер өртеніп жатыр. Өрт кезінде қою түтін шыққан.

"Өрт сөндіру оқпандары тартылып, тілсіз жауды сөндіру үшін шаралар қабылданып жатыр. Тұрғындарды эвакуациялау жұмыстары жүргізіліп жатыр", - деп хабарлады ведомстводан.

Зардап шеккендер туралы ақпарат түскен жоқ.

Құтқарушылар ашық жалынды басып, өртті оқшаулады.

"Тұрғындарды эвакуациялау үшін автосаты мен үш иінді саты жұмылдырылды. Өртті сөндіру жұмыстары жалғасып жатыр", - деп мәлімдеді ТЖМ.

Автосаты көмегімен эвакуациялау. ТЖМ баспасөз қызметінің фотосы

Бізді Google-дың негізгі дереккөздер тізіміне қосыңыз