Астанада жаңа жыл түні Аяз атамен қоса 11 адам лифтте қамалып қалған

Түнде Сарайшық ауданындағы көпқабатты тұрғын үйлердің бірінде 11 адам, оның ішінде 5 бала лифт ішінде қамалып қалды.

— Лифт 3-қабаттан төмен қарай түсіп екінші қабат пен бірінші қабат аралығында тоқтап қалған. Шақырту орнына келген құтқарушылар лифт есігін ашып, адамдарға шығуға көмектесті. Олар медициналық көмекке мұқтаж болмады, — делінген хабарламада.

ТЖМ лифтте тұрып қалсаңыз келесі ережелерді еске салады:

өзіңіз алаңдамаңыз және көршілеріңізді тыныштандырыңыз; диспетчерге хабарласыңыз; барлық түймені қатарынан баспаңыз; лифт есіктерін өзіңіз ашуға тырыспаңыз; барлық сыртқы байланыс арналарын пайдаланыңыз.

Айта кетейік, Астанада жөндеу кезінде лифт құлап, бір жұмысшы көз жұмғанын жазған едік.

Бұдан бұрын елдегі лифтілердің 40 пайызы жарамсыз екені анықталды.