Астанадағы танымал мейрамханаларда ит еті қосылған тамақтар сатылған

Астанадағы кейбір танымал мейрамханаларда келушілерге ұсынылған тағамдардағы тартылған фарш құрамына ит еті қосылғаны туралы мәлімдеме жасалды. Бұл туралы экологтар мен жануарларды қорғаушылар «Честно Говоря» подкасты барысында айтты. Олардың сөзінше, бұл дерек екі жыл бұрын сотта дәлелденген, деп хабарлайды Egemen.kz.

Фото: Ашық дереккөз

Қоғам белсендісі Сергей Снегирев Қазақстанда қоғамдық тамақтану орындарына арналған ит етін жасырын дайындайтын көлеңкелі бизнес жылдар бойы жұмыс істеп келгенін мәлімдеді. Оның айтуынша, Астанадағы бірқатар танымал франшизалар құрамына ит еті араластырылған фаршты сатып алған.

Белсендінің сөзінше, бұл іс бойынша жүргізілген бақылау сатып алу кезінде сатушы ең аз партия ретінде 100 келі ет ұсынған. Кейін оның үйінде жүргізілген тінту барысында 750 келі ит еті тәркіленгені айтылды. Тергеу нұсқасына сәйкес, ол ет басқа өнімдерге араластыру үшін дайындалған.

Сонымен қатар зообелсенді Темірлан Тоспаев Орал қаласында қаңғыбас жануарларды аулау тендерін жергілікті ет өңдеу кәсіпорны жеңіп алғанын айтты. Қала әкімдігі мұны мемлекеттік сатып алу туралы заң талаптарымен түсіндірген. Ресми мәліметке сәйкес, ит аулаумен айналысуға ниет білдірген жалғыз мекеме осы болған.

Подкаст қатысушылары бірнеше жыл бұрын Алматы облысы аумағында болған оқиғаны да еске алды. Ол кезде еріктілер иттерді жаппай өлтірген орынды анықтаған. Онда қаңғыбас және үй жануарлары аралас ұсталған, кейбірінің мойнында қарғыбауы да болған. Әйелдердің бірі сол жерден өз итіне ұқсас жануарды танығаны айтылды.

Снегирев сондай-ақ қаңғыбас жануарларды эвтаназиялауды белсенді түрде қолдаған депутат Еділ Жаңбыршин туралы пікір білдірді. Ол депутаттың адам өмірі иттен маңыздырақ екенін және қаңғыбас жануарлар көбінесе әйелдер мен балаларға шабуыл жасайтынын бірнеше рет айтқанын тілге тиек етті. 

Белсенді депутаттың жануарларға жауапкершілікпен қарау туралы заңға өзгерістер енгізу жұмысын басқаруына күмән келтіріп, оны бұл салада құзыретті емес деп есептейтінін жеткізді.

Еске салайық, Алматыда танымал дәмхананың бірінде самсаның ішінен ветеринарлық чип табылған болатын. 

Соңғы жаңалықтар

Парламент әкім сайлауына қатысты жаңа ережелер қабылдады

Парламент • Бүгін, 10:50

Алтын Орда: Ұлы дала өркениетінің алтын арқауы

Саясат • Бүгін, 10:44

Құрылтайдың өкілеттігі мен депутат мәртебесі заңмен бекітілді

Парламент • Бүгін, 10:37

Алматы облысында Ан-2 ұшағы апатқа ұшырады

Оқиға • Бүгін, 10:32

Mango брендінің негізін қалаушының ұлы әкесін өлтірді деген күдікпен ұсталды

Әлем • Бүгін, 10:30

Парламент «Президент туралы» Конституциялық заңды екінші оқылымда қабылдады

Парламент • Бүгін, 10:28

Барлыбай Садықов: Қазақстан мен Кения байланысы жаңа деңгейге көтерілмек

Саясат • Бүгін, 10:20

Мұнай нарығындағы құбылыс: Әлемдік геосаяси жағдай отандық жанармай бағасына әсер ете ме?

Экономика • Бүгін, 10:08

Пластик терезе салған: Түпқараған ауданында тарихи-мәдени мұра нысанын бүлдірген тұлға іздестіріліп жатыр

Оқиға • Бүгін, 10:02

Алматыда Beu Fest фестивалі өтеді

Қоғам • Бүгін, 09:56

«Арсенал» 22 жылдан кейін алғаш рет Англия чемпионы атанды

Футбол • Бүгін, 09:52

7 провинцияны шарпыды: Қытайдағы жойқын су тасқынынан 18 адам қаза тапты

Әлем • Бүгін, 09:47

Дональд Трамп ұсынған: Қазақ қызы АҚШ-тың Словениядағы төтенше елшісі болды

Қазақстан • Бүгін, 09:42

Денсаулық сақтау министрлігі Эбола індетіне байланысты шұғыл ескерту жасады

Денсаулық • Бүгін, 09:35

Ұлыбритания Ормұз бұғазындағы жағдайға байланысты Ресей мұнайына салынған санкцияны жеңілдетті

Әлем • Бүгін, 09:31

Барлық жаңалықтар