Астаналық рейс кейінге қалдырылғаннан кейін 600 мың теңгеге жуық қаражат алады

Астана тұрғыны Дубайға сапары жүзеге аспай қалғанына қарамастан, 600 мың теңгеге жуық қаражат төлеуге мәжбүр болды. Рейс бірнеше рет кейінге шегеріліп, жолаушы сапардан бас тартқаннан кейін ақшасын бірден қайтара алмаған, деп хабарлайды Tengri Travel.

Не болды?

Астана қалалық сауда және тұтынушылардың құқықтарын қорғау департаментінің мәліметінше, елорда тұрғыны Астана - Дубай - Астана бағыты бойынша екі әуе билетін сатып алған. Ол үшін 554 530 теңге төлеген.

"2026 жылғы маусымда тұтынушы жалпы құны 554 530 теңге болатын екі әуе билетін сатып алған. Алайда кейін әуекомпания жолаушыға байланысты емес себептермен рейстерді үш рет тоқтатқан", - деп атап өтті ведомство.

Рейстердің тоқтатылуына байланысты жолаушы ұшу күндерін өзгертуге мәжбүр болған. Бұл үшін қосымша 38 826 теңге төлеген.

"Рейстердің бірнеше рет тоқтатылуына байланысты тұтынушы ұшу күндерін өзгертуге мәжбүр болып, қосымша 38 826 теңге төлеген. Осылайша, әуе тасымалына байланысты тұтынушының жалпы шығыны 593 356 теңгеге жеткен", - деді департамент өкілдері.

Рейс тағы тоқтатылғаннан кейін жолаушы сапардан бас тартуды ұйғарып, ақшасын, соның ішінде күнді өзгерткені үшін төлеген қосымша сомасын қайтаруды талап еткен.

Департамент мәліметінше, алайда әуекомпания рейсті ауыстырғаны үшін төленген қосымша қаражатты қайтарудан бас тартқан.

Осыдан кейін ер адам көмек сұрап Астана қалалық сауда және тұтынушылардың құқықтарын қорғау департаментіне жүгінген.

Мәселе қалай шешілді?

Мамандар құжаттарды, төлемді растайтын мәліметтерді және жолаушының әуекомпаниямен арадағы хат-хабарларын зерттеді.

Нәтижесінде мәселе тұтынушының пайдасына шешілді. Оған 593 356 теңге толық қайтарылды.

"Өтінішті қарау барысында департамент тұтынушы ұсынған құжаттарды, төлемдерді растайтын мәліметтерді және әуекомпаниямен жүргізілген хат-хабарларды зерделеді. Жүргізілген жұмыстардың нәтижесінде мәселе тұтынушының пайдасына шешілді. Нәтижесінде тұтынушыға жұмсалған қаражат толық көлемде – 593 356 теңге қайтарылды", - деп атап өтті ведомство.

Рейс тоқтатылса немесе кейінге шегерілсе не істеу керек?

Мамандар жолаушыларға барлық құжат пен әуекомпаниямен арадағы хат-хабарларды сақтауға кеңес береді. Соның ішінде:

әуе билеттері мен төлемді растайтын құжаттарды сақтау; рейстің тоқтатылғаны немесе өзгергені туралы хабарламаларды сақтау; әуекомпаниямен арадағы хат-хабарларлы өшірмеу; чектерді және қосымша шығындарды растайтын басқа да құжаттарды сақтау; жолаушының құқығы бұзылған жағдайда, кеңес пен көмек алу үшін сауда және тұтынушылардың құқықтарын қорғау департаментіне жүгіну керек.

Еске салсақ, қазақстандық Air Astana мен FlyArystan әуекомпаниялары Дубайға рейстердің тоқтатылуын 30 қыркүйекке дейін ұзартқан болатын. Жағдай қазанда ғана өзгеруі мүмкін.

Бұған дейін тоқтатылған рейстердің жолаушылары билет құнын ешқандай қосымша ұстап қалусыз толық қайтара алатыны хабарланған еді.

Тағы оқыңыз: Тойға бармақ болған қазақстандықтар қуаныштың орнына қиындыққа тап болды

Google News арқылы жаңалықтарымызды қадағалаңыз

Жазылу