Атырау облысының тұрғындары 313,3 млрд теңгені қайда жұмсады?

Атырау облысында осы жылдың қаңтар–маусым айларында бөлшек сауда айналымы 313,3 млрд теңгені құрады. 

Өткен жылдың сәйкес кезеңімен салыстырғанда 3,4%-ға артты.

Бұл туралы ҚР Стратегиялық жоспарлау және реформалар агенттігі Ұлттық статистика бюросының Атырау облысы бойынша департаментінің басшысы Нұржан Құмарғалиев мәлім етті, деп хабарлайды Өңірлік коммуникациялар қызметі.

Бөлшек сауда құрылымында азық-түлік емес тауарлар басым үлеске ие болды. Олардың көлемі жалпы айналымның 66,1% құрады. Ал азық-түлік тауарларының үлесі 33,9% болып, сауда көлемі 106,3 млрд теңгеге жетті.

Өңірдегі бөлшек сауда айналымының негізгі бөлігі Атырау қаласына тиесілі. Биыл қаңтар–мамыр айларында Атырау облысының Еуразиялық экономикалық одаққа мүше елдермен өзара сауда көлемі 161,8 млн АҚШ долларын құрады. Оның ішінде импорттың үлесі 78,3%, экспорттың үлесі 21,7% болды.

Экспорт құрылымында химия өнеркәсібінің өнімдері, минералдық өнімдер, металдар және машина жасау өнімдері басым болса, импортта металдар мен олардан жасалған бұйымдар, машиналар мен жабдықтар, сондай-ақ азық-түлік өнімдері жетекші орын алды.

Бүгін, 17:45