Атырауда 7 жасар қыз баланы өлтірген педофилге сот үкімі шықты

Атырау облысының мамандандырылған ауданаралық қылмыстық сотында Құлсары қаласында жеті жасар қызды қорлап және өлтіргені үшін кінәлі деп танылған педофилге қатысты сот үкімі шықты, – деп хабарлайды Aikyn.kz сайты.

Ол сот үкімімен өмір бойына бас бостандығынан айырылды. Қылмыскерге қатысты сот ісі Атырау облысының қылмыстық істер жөніндегі мамандандырылған ауданаралық сотында ҚК 120-бабының 4-бөлігі және ҚК 99-бабының 3-бөлігі бойынша қаралды.  

Еске сала кетейік, 2025 жылдың маусым айында Құлсары қаласында 7 жасар қыз бала Құрсай өзенінің жағасында серуендегеннен кейін үйіне оралып, адасып қалады. Жолда оны педофил кездестіріп, әдейі адастырып, өзен жағасына апарған. Баланың дәрменсіз жағдайын пайдаланып, қорлап, жасалған қылмысты жасыру үшін сотталушы баланы ұрып-соғып, өзенге батырып кеткен. 

Сотталушының кінәсі куәгерлердің айғақтарымен, оқиға болған жерді тексеру хаттамасымен, бейнежазбалармен, сондай-ақ сараптамалардың қорытындыларымен толық дәлелденген. 

Үкім заңды күшіне енген жоқ.

Баян Жанұзақова