​​Атырауда аялдамалар 10 жылға ​кәсіпкерлерге берілді​

Атырауда жеті автобус аялдамасы кәсіпкерлерге 10 жылға сенімгерлік басқаруға берілді. Бмлік басындағылардың пайымдауынша, осылай аялдамалардың тазалығы мен қауіпсіздігін қамтамасыз етіп, инфрақұрылымды жақсарту мақсатына жетуге болады.  

Бұл істі қолға алғандардың бірі – Айдар Джумиян. Ол 2020 жылы “Нұрсая” ықшамауданынан учаске алып, 20 миллион теңгеге аялдама салған. Бүгінде оның аялдамасы автобус күтетін үйреншікті орынға мүлдем ұқсамайды: ол жолаушыларға арналған ашық алаң, жылы павильон және шағын гүл дүкені орналасқан үш блокты қамтиды.
Кәсіпкердің айтуынша, оларға тағы екі аялдама сенімгерлік басқаруға беріліп жатыр. Ал көктемде Геолог ықшамауданында аялдамалар салуға кіріседі. Кәсіпкерлер үшін 10 жыл – оңтайлы мерзім, осы уақытта қанша қаражат қажет болатынын есептеп, сапалы нысан тұрғызуға болатынын атап өтті. ол. 

Кәсіпкерлер аялдамаларға қызмет көрсетіп қана қоймай, қосымша аумақты коммерциялық мақсатта пайдалана алады. 

Қалалық қаржы бөлімі басшысының орынбасары Гүлжан Құлбаева атап өткендей, кәсіпкерлер ашық конкурс арқылы e-qazyna.kz сайтында таңдалған. Сенімгерлік басқаруға алғандардан тек тазалық пен тәртіпті сақтау емес, 24 сағаттық бейнебақылау, күзет және инфрақұрылымды қадағалау міндеттері де жүктелген. 

Бүгін, 17:12