​Атырауда Браконьер іс шарасы басталды

20 қазан мен 19 қараша күндері аралығында Атырау облысы аумағында "Браконьер" жедел-профилактикалық іс- шарасы өтеді, деп хабарлайды өңірдің баспасөз департаменті. 

Шараның негізгі мақсаты - табиғатты қорғау заңнамасы саласындағы құқық бұзушылықтар мен қылмыстарға тосқауыл қойып, оның ішінде браконьерлік, жасыл желектерді кесу, табиғи ресурстарды заңсыз аулау және басқа да құқық бұзушылықтарды анықтау.

Іс-шара барысында полиция басқа да тиісті сала қызметкерлерімен бірлесіп рейд ұйымдастырады.

"Шара биологиялық ресурс өнімдерінің заңсыз айналымы фактілерін анықтауға бағытталған. Облыс тұрғындарын табиғатты қорғау заңнамасын сақтауға және қоршаған ортаны қорғауға шақырамыз", деп атап өтті Атырау облысы Полиция департаментінің мамандары.  

Табиғи ресурстарды заңсыз өндіру анықталған жағдайда әкімшілік және қылмыстық жауапкершілік қарастырылғанын ескертеді ведомстводағылар.

Бүгін, 16:31