Атырауда экологиялық жобалар жәрмеңкесі өтті

Атырау қаласында «Jer ECO HUB» экологиялық жобасының бір жылдық қорытынды кеші ұйымдастырылды.

Жоба аясында екі хакатон өткізіліп, оған 173 жас қатысып, өз идеяларын қорғады. Нәтижесінде 7 команда қаржылай қолдауға ие болды, деп хабарлайды Өңірлік коммуникациялар қызметі.

Іс-шара «Жүректен жүрекке» қоғамдық қорының бастамасымен «Таза Қазақстан» акциясы аясында өтті.

Жоба координаторы Асылханым Ахмурованың айтуынша, бір жыл ішінде мектеп оқушылары мен студенттерге арналған экологиялық куиздер, сенбіліктер, қалдықтарды қайта өңдеуге бағытталған шеберлік сабақтары және деректі фильмдер көрсетілімі ұйымдастырылған. Бұл шараларға 200-ден астам адам қатысқан.

Ұсынылған жобалар экологиялық мәдениетті қалыптастыру, экосауттылықты арттыру, экобокстар орнату, заманауи жылыжай мен инновациялық зертхана ашу бағыттарын қамтыды.

Бүгін, 15:18