Атыраудағы іжоғалған отбасы: басты күдіктінің 5 баласы мемлекет қамқорлығына өтті

Атырау облысында із-түссіз жоғалған отбасыға қатысты іс бойынша жаңа дерек белгілі болды, – деп хабарлайды Aikyn.kz сайты. 

Аймақтағы жағдайды бақылап жүрген журналист Жанат Молдашова әлеуметтік желідегі парақшасында басты күдіктінің ата-анасының қамқорлығында болған бес баланың кәмелетке толмағандарды бейімдеу орталығына жеткізілгенін жазды.

«Күдіктінің ата-анасының қолындағы бес баланы бүгін алып кеткен. Ертең ресми ақпарат сұратамын. Бұған дейін құзырлы органдар “әзірге ата-әжесінің жанында болады, жақын туыстары солар” деген еді», – деп мәлімдеді журналист.

Аталған жайтқа байланысты Атырау облысы кәмелетке толмағандарды бейімдеу орталығының басшысы да пікір білдірген.

«Бізге облыстық білім басқармасынан осындай тапсырма берілді. Бұл – жабық мекеме, ішке кіруге рұқсат жоқ», – деді ол.