Атыраудағы қанды қылмыс: Сұлтан Сәрсемәлиев әйелінің сіңлісін қалай өлтіргенін айтты

Мирамгүл Қарабалинаның қазасына байланысты қылмыстық іс бойынша оқиғаның хронологиясын айыптау актісінде прокурор мәлімдеді, – деп хабарлайды Aikyn.kz сайты.

Тергеу нұсқасына сәйкес, күдікті Сұлтан Сәрсемәлиев ата-енесін өлтіріп, Мирамгүлді, әйелі Ақбаян және кішкентай баласын қалаға алып келгеннен кейін күндіз азық-түлік алып, үйіне оралған. Сол уақытта үйде оның жұбайы Ақбаян, кәмелетке толмаған баласы және туысы Мирамгүл Қарабалина болған.

Іс материалдарында көрсетілгендей, тұрмыстық жағдайдың қиындығы мен азық-түліктің жетіспеушілігіне байланысты олардың арасында жанжал туындаған. Тергеу дерегінше, бұл жанжал қысқа уақытта ушығып кеткен.

Одан әрі, тергеу мәліметтері бойынша, күдікті жәбірленушіге пышақпен жарақат салып, салдарынан ол қайтыс болған. Оқиғадан кейін күдікті қылмыстың ізін жасыруға бағытталған әрекеттер жасаған.

Сондай-ақ, іс аясында марқұмның жеке мүлкін, соның ішінде ұялы телефонын иемдену дерегі де тексеріліп жатыр.

Баян Жанұзақова