Азия ойындары: қазақстандық қос спортшы джиу джитсудан жүлделі орындарға ие болды

АСТАНА, 3 қазан – Sputnik. Жапонияның Аичи префектурасы мен Нагоя қаласында өтіп жатқан жазғы Азия ойындарында қазақстандық қос спортшы джиу-джитсудан жүлделі орындарға ие болды, деп хабарлады Туризм және спорт министрлігі.

"85 келідегі Мерей Қабдуллаев Азиаданың күміс жүлдесін алды. Ол алтын медаль үшін белдесуде Сауд Арабиясының өкілі Абдуллах Тариг Надамен күресіп, 0:7 есебімен жол берді", - деп хабарлады министрлікте.

Отандасымыз финалға дейін Батбайар Батсух (Моңғолия), Осама Набас (Иордания), Абдурахман Муртазалиевті (Қырғызстан) жеңген болатын.

Ал Мариан Журавлева джиу-джитсудан Азиаданың қола жүлдесін алды.

© Photo : Туризм және спорт министрлігіМариан Журавлева

Мариан Журавлева

© Photo : Туризм және спорт министрлігі

"63 келідегі Мариан Журавлева қола медаль үшін белдесуде Иордания спортшысы Майя Ишакатпен кездесіп, 2:0 есебімен басым түсті", - деп жазылған хабарламада.

Айта кетейік, бұған дейін джиу-джитсудан Мерей Қабдуллаев (85 келі), Нұржан Батырбеков (69 келі) күміс жүлде және Сейілхан Болатбек (77 келі), Жібек Құлымбетова (48 келі) қола жүлде еншілеген болатын.