Бәйгесіз бесінші күн...

Италияның Милан мен Кортина-д’Ампеццо қалаларында өтіп жатқан ХХV қысқы Олимпиада аламанының бесінші күнінде де спортшыларымызға медаль бұйырмады.

Қысқы Олимпия ойын­дарының бесінші күнінде биатлоннан қыздар аламанға қосылды. 15 шақырымға жүйткіген шаң­ғышылардың арасында сенім мен үмітімізді арқалап Айша Рақышева мен Милана Генёва сөреден аттанған еді. Өкінішке қарай, Айша өзінің алғаш қа­тысқан Олимпиада додасында 86-орынды місе тұтса, Миланаға 89-орын бұйырды. Шаңғышларымыз ату түрінің төртеуінде де нысана көздеуден көңіл көншітпеді, атқан оғының тоғызы далаға кетті. Олимпиаданың алтын, күміс медалін француз спортшылары Жюлья Симон мен Лу Жанмонно иеленді. Қола медаль болгар қызы Лора Христоваға бұйырды.

Жүлде аламыз деп үміт еткен спорт түрінің бірі фристайл-могул еді. Еліміздің әйелдер құрамасы іріктеу сынынан сүрінбей өтіп, финалдық кезеңге шықты. Бірақ Аяулым Әміренова, Юлия Га­лышева, Анастасия Городко финалда жоғары ұпай жинай алмады. Аяулым 18-орынды місе тұтса, Анастасия 15-сатыға орнықты. 2018 жылы Пхенчхан (Оңтүстік Корея) Олимпиадасында қола жүлде еншілеп, ел мерейін асыр­ған Юлияның өнерін қазылар 14-орынға лайық деп бағалады. Осылайша, қыздарымыз фрис­тайл-могулдан жекелей жарысты жүлдесіз аяқтады. Енді ертең параллельді могулдан сынға түседі. Фристайл-могулдан құ­раманың бас бапкері Елена Круглыхина спортшылар барын салғанын жеткізді. Ерлер додасында, сонымен қатар параллельді могулдан сынға түсетін спортшылар сенімді ақтауға тырысатынын айтты.

Шаңғы қоссайысынан додаға қосылған Шыңғыс Рақпаров тұғырдан секіру сайысында 35-орын­ды місе тұтса, шаңғы жарысында көмбеге 32-болып жетті. Бұл бәсекеде жеңіс тұғырына Енс Лурос Офтебру (Норвегия), Йоханнес Лампартер (Аустрия) Ээро Хирвонен (Финляндия) сынды саңлақтар көтерілді.

Соңғы жаңалықтар

Көктайғақ, тұман, жел: Бірқатар өңірде ауа райына байланысты ескерту жарияланды

Ауа райы • Бүгін, 09:47

Қаңтардағы ҰБТ: Тестілеу ережесін бұзған 120 адамның нәтижесі жойылды

Білім • Бүгін, 09:39

Ақша айырбастау орындарында доллар қаншадан саудаланып жатыр?

Қаржы • Бүгін, 09:20

Қысқы Олимпиада: Бүгін Михаил Шайдоров еркін бағдарламада өнер көрсетеді

Қысқы спорт • Бүгін, 09:06

Рухани дипломатияның маңызы арта түсті

Саясат • Бүгін, 09:00

Қызылша науқасына қатысты мәселе талқыланды

Саясат • Бүгін, 08:58

Халық пен салықтың есебін түгендеген жоба

Қоғам • Бүгін, 08:55

Жалпыұлттық коалиция құрылды

Саясат • Бүгін, 08:53

Жетісудың бал қымызы

Өндіріс • Бүгін, 08:50

Сенат халықаралық келісімдерді мақұлдады

Саясат • Бүгін, 08:48

Дрон жасаған инженерлер

Технология • Бүгін, 08:45

Орталық референдум комиссиясының ҮНДЕУІ

Референдум • Бүгін, 08:43

Экологиялық түйткілдің түйіні қашан тарқайды?

Экология • Бүгін, 08:40

Референдум өткізу жоспары бекітілді

Референдум • Бүгін, 08:38

Цифрлық емхананың онлайн кеңесі

Digital • Бүгін, 08:35

Барлық жаңалықтар