Бала көмек сұрап айқайлады Семейлік батыр суға батып бара жатқан баланы құтқарғаны үшін марапатталды

Абай облысында суға батып бара жатқан 7 жасар баланы құтқарып қалған екі дос марапатталды. Көрсеткен ерліктері үшін оларға алғыс хаттар табыс етілді, деп хабарлайды Tengrinews.kz.

Баланы қалай құтқарды?

18 тамызда Тимур Рахымжанов пен оның досы Санат Ерғалиев Озерки ауылының маңында Ертіс өзенінің бойымен атпен серуендеп жүрген. Бір сәтте олар көмек сұраған айқайды естіп, су ішінде ағыс алып кетіп бара жатқан баланы байқаған.

Алдымен достар балаға атпен жақындауға тырысқан. Алайда судың тереңдігі мен балдырлардың көптігінен аттар жақын бара алмады. Сол кезде Тимур суға секіріп, балаға жүзіп барып, оны жағаға шығарды. Достардың жедел әрекетінің арқасында бала аман қалды.

Кейін бала суға қалай түсіп кеткенін айтып берді:

— Достарыммен бірге шомылуға барғанмын, содан кейін мені ағыс алып кетті.

Тимур былай деп нақтылады:

— Сосын сен қатты айқайладың... Біз кездейсоқ атпен жүрген едік, сенің дауысыңды естіп қалдым.

Баланың құтқарылғаны туралы ақпарат әлеуметтік желілерде тарағаннан кейін, аудандық әкімдік достарды батыл әрекеті, дер кезінде көрсеткен көмегі және баланы құтқарғаны үшін алғыс хаттармен марапаттады.

Instagram-дағы бұл жарияланымды көру

Озерки ауылдық округі әкімдігінің жариялануы (@ozerki__akimat2025)

Тимур Ерғалиевтің анасына лайықты ұл тәрбиелегені үшін ерекше алғыс білдірілді.

Ер азаматтардың бұл ісін өңірлік Төтенше жағдайлар департаменті де атап өтті.

Instagram-дағы бұл жарияланымды көру

Абай облысы ТЖД жариялануы (@112abai)

Тимурдың өзі марапат күтпегенін және оған мемлекеттік органдардан хабарласқанда таңғалғанын айтады.

"Төтенше жағдайлар департаментінен алғыс хат аламын деп ойламадым. Өте қуаныштымын. Олардың өздері хабарласып, шақырады деп күтпеген едім. Мұндай жағдайда кез келген адам осылай істер еді деп ойлаймын. Ең бастысы - бала аман қалды", - деді ол.

Google News арқылы жаңалықтарымызды қадағалаңыз