Бала жалғыз ұшты, оған ешкім көмектеспеді қазақстандық әйел әуе компаниясын немқұрайлылық танытты деп айыптады

Threads әлеуметтік желісінде әйелдің шағымы талқыланып жатыр: оның айтуынша, ұшақ бортында ересектердің қарауынсыз ұшқан жеті жасар ұлының жағдайы нашарлап, құсқан, алайда оған ешқандай көмек көрсетілмеген. Жағдайға қатысты әуекомпанияның баспасөз қызметі түсініктеме берді, - деп хабарлайды Tengri Travel.

Threads әлеуметтік желісінде әйелдің шағымы талқыланып жатыр: оның айтуынша, ұшақ бортында ересектердің қарауынсыз ұшқан жеті жасар ұлының жағдайы нашарлап, құсқан, алайда оған ешқандай көмек көрсетілмеген. Жағдайға қатысты әуекомпанияның баспасөз қызметі түсініктеме берді, - деп хабарлайды Tengri Travel.

Анасының айтуынша, 16 сәуірде оның ұлы "жетелеушісі жоқ балалар" ақылы қызметін пайдаланып, Астана – Алматы бағытындағы KC952 рейсімен жалғыз ұшқан.

"Ұшу кезінде оның жағдайы нашарлап, қатты құсқан. Оның киімі, іш киімі, шұлығы, тіпті аяқ киіміне дейін бүлінген. Сол сәтте қасында ешкім болмаған. Ол қорыққанынан маған суреттер жіберіп, аудио жаза бастаған, бірақ байланыс болмады", - деді ол.

Әйелдің сөззінше, әуекомпания тарапынан жауапты маман, шамасы, қасында болмаған. Бала бүкіл ұшу уақытын осындай күйде өткізуге мәжбүр болған.

"Бірақ ең сорақысы қонғаннан кейін: оны ретке келтірмеген, көмектеспеген, жай ғана келесі адамға тапсыра салған - үсті-басы кір, құсқан күйі, қолында біршама заты бар", - деді ол.

Сондай-ақ, оның айтуынша, қызметкерлер баланың туу туралы куәлігін жоғалтып алған.

Автор мұндай қызметті бірінші рет сатып алып тұрмағанын және бұған дейін мұндай мәселелер туындамағанын атап өтті.

Біз жолаушының анасымен байланыстық. Ол баласын рейстен қол қойғызбай шығарып жібергенін де айтты.

"Неліктен баланы қол қойғызбай тапсыра салған? Оқиға болған кезде әжесі: "Қай жерге қол қою керек?" деп сұраған. Оған стюардесса: "Ай, қалам жоқ, қол қоймай-ақ қойсаңыз болады" деп жауап берген", - деді ол.

Сондай-ақ ол Алматы әуежайының полициясынан хабарласып, құжаттардың табылғанын айтқанын жеткізді. Алайда олардың нақты қай жерде және қандай жағдайда табылғаны түсіндірілмеген.

Біз жағдайға байланысты әуекомпанияның баспасөз қызметіне түсініктеме алу үшін хабарластық. Олар тексеріс жүргізілгенін айтты.

"Әуекомпания 16 сәуірдегі Астана - Алматы рейсінде болған оқиға бойынша ішкі тексерісті аяқтады. Кабина экипажының есебіне сәйкес, ұшақ төмендеген кезде кәмелетке толмаған жолаушының жағдайы нашарлаған. Ақпарат түскеннен кейін бортсеріктер дереу баланың қасына барып, қажетті көмек көрсеткен және киімін ретке келтіру үшін майлықтар берген", - деді әуекомпания.

Тексеріс нәтижесі бойынша, қызметкерлер баланың жуынуына көмектескен.

"Ұшақ қонғаннан кейін әуекомпания қызметкерлері жолаушының санитарлық бөлмеге барып, жуынуына көмектескен. Әуе кемесінен шығу кезінде бала ешқандай шағым айтпаған, оның жағдайы қанағаттанарлық деп бағаланған", - деп түсіндірді әуе тасымалдаушысы.

Құжатқа келетін болсақ, бортсеріктердің бірі шығу кезінде құжаттар салынған конверттің жолаушының қолында болғанын көрген.

"Аға бортсеріктің ақпараты бойынша, ұшақтан шығар кезде құжаттар салынған ақ конверт жолаушыда болған", - деп бөлісті әуе тасымалдаушысы.

Қазір компанияда оқиғаның қосымша мән-жайлары анықталып жатыр.

Google News арқылы жаңалықтарымызды қадағалаңыз