Банктер мен байланыс операторларының атынан жалған хабарламалар жіберген алаяқтар ұсталды

Қаржылық мониторинг агенттігі Бас прокуратурасы үйлестіруі және «TELE2» ұялы байланыс операторымен бірлесіп, азаматтардың құпия деректері мен ақшалай қаражатын ұрлау мақсатында фишингтік хабарламаларды жаппай таратқан қылмыстық топтың қызметін тоқтатты, деп жазады Egemen.kz.

Фото: ҚМА

Қаскөйлер ұялы байланыс операторлары базалық станцияларының жұмысында қолданылатын SMS-бластерді пайдаланған. Бұл құрылғы пайдаланушыларға жақын маңда, яғни 300 метр радиуста күшті сигнал таратып, телефондардың автоматты түрде соған қосылып, қорғанысы әлсіз желіге ауысуына себеп болған. 

Нәтижесінде абоненттердің телефондарына бірден жалған SMS-хабарламалар келген. Бұл құрылғы байланыс операторларының қорғанысын айналып өтіп, сағатына 100 мыңға дейін хабарлама таратуға мүмкіндік берген. Ауқымды кеңейту және жасырын әрекет ету мақсатында жабдық автокөліктерге орнатылып, қозғалыс барысында, негізінен адамдар көп шоғырланатын орындарда – базарларда және сауда-ойын-сауық орталықтарының маңында пайдаланылған.

Бибігүл Жексенбай: Алаяқтықтан зардап шеккендерді қорғау жүйесінде олқылықтар көп

Хабарламалар «Beeline» және «Halyk Bank» компаниялары атынан жіберілгендей көрініп, жиналған бонустарды айырбастау ұсынылған. Сілтемеге өткен жағдайда пайдаланушылар фишингтік сайттарға түсіп, тауар таңдағаннан кейін жеке деректерін, соның ішінде телефон нөмірін, аты-жөнін, банк картасының деректемелерін, CVV-кодын, сондай-ақ SMS арқылы келген растау кодын енгізуге мәжбүр болған.
Осылайша, қаскөйлер азаматтардың құпия ақпараты мен банктік қаражатына қол жеткізген.

Алаяқтықтың жаңа тәсілі тарады: Қаскүнемдер дауысын өзгертіп, сенімге кіреді

Жедел-іздестіру іс-шараларының нәтижесінде қылмыстық топ схеманы жүзеге асырудың бастапқы кезеңінде анықталып, ұсталды. Бұл азаматтардың ауқымды алдануы мен елеулі қаржылық шығындарының алдын алуға мүмкіндік берді.

Қазір төрт күдікті ұсталып, қамауға алынып, тергеу жалғасып жатыр. Айта кетейік, ТМД елдері аумағында осындай схеманың жолы алғаш рет кесілген.

Соңғы жаңалықтар

Еліміздегі псевдопсихологтарға айыппұл енгізілуі мүмкін

Парламент • Бүгін, 12:03

Қазақстанда әр сағат сайын бес адамды ит қабады

Қоғам • Бүгін, 11:59

Жанарбек Әшімжан: Ақылгөй коучтартардың сабағы отбасында шырғалаң тудырып отыр

Қоғам • Бүгін, 11:50

Психологтар мемлекеттік тізілімге тіркелуге міндеттеледі

Қоғам • Бүгін, 11:35

Қазақстанда психологтардың қызметі заңмен реттеледі

Оқиға • Бүгін, 11:32

Александр Бублик Монте-Карлодағы «Мастерс» турнирін жеңіспен бастады

Теннис • Бүгін, 11:16

Перизат Қайраттан тәркіленген көлік мемлекеттік органдардың меншігіне берілді

Қоғам • Бүгін, 10:59

Мұғалімдердің пәндік білімін бағалау тесті тоқтатылды

Білім • Бүгін, 10:45

Мұнай бағасы күрт төмендеді

Экономика • Бүгін, 10:33

Иран мен АҚШ екі апталық бітімге келді: Ормұз бұғазы ашылады

Әлем • Бүгін, 10:30

Ақтөбе облысы әкімдігіндегі өрт: Ғимарат электр желісінен толық ажыратылды

Аймақтар • Бүгін, 10:11

17%-ға жуық өсім: Қазынаға 6,4 триллион теңге түсті

Экономика • Бүгін, 09:54

Қазақстанда инфляция деңгейі алты ай қатарынан төмендеп келеді

Инфляция • Бүгін, 09:40

Жаңбыр, тұман, найзағай: Еліміздің басым бөлігінде ауа райына байланысты ескерту жарияланды

Ауа райы • Бүгін, 09:35

Бүгін 1 долларды қанша теңгеге сатып алуға болады?

Қаржы • Бүгін, 09:17

Барлық жаңалықтар