Барселона қысқы трансферде ойыншы ала ма? Спорт порталы

«Барселонаның» спорттық директоры Деку каталондық клубтың қысқы трансферлік кезеңде белсенділік танытпайтынын мәлімдеді, деп хабарлайды Cadena Ser.

«Біз жазғы трансфер кезінде қалағанның бәрін жасадық. Қазір көптеген ойыншылар жарақаттан кейін қалыпқа келіп жатыр. Сондықтан қыста жаңа келісімшарттар жасау жоспарымызда жоқ», — деді Деку.

Қазіргі таңда «Барселона» Испания чемпионатында тоғыз турдан кейін 22 ұпаймен екінші орында тұр. Көшбасшы — 24 ұпайы бар «Реал Мадрид».

Келесі турда қос клуб мәңгілік қарсыластар дербиінде — “эль класикода” кездеседі.

Vesti.kz сайтын осы әлеуметтік желілерінде оқыңыздар

Vesti-де Tik Tok та бар @vestikzsport