Бейбітшілікке бастар қадам

АҚШ Президенті Дональд Трамптың бастамасымен құрылған Бейбітші­лік кеңесінің Жарғысына жиыр­­маға жуық ел қол қойды. Швейцарияның Давос қа­­ла­сын­да өткен қол рәсі­­мі­не Мемлекет басшысы Қасым-Жомарт Тоқаев та қатысты.

Суретті түсіргендер – А.Дүйсенбаев, Е.ҮКІБАЕВ

Дональд Трамп Бейбітшілік кеңесін Газа секторын қалпына келтіруді үйлестірумен айналысатын ұйым ретінде құрды. Бұған дейін АҚШ-тың Таяу Шы­ғыс жөніндегі арнайы өкілі Стив Уиткофф өңірде атысты тоқта­ту режімінің екінші кезеңі бас­талғанын мәлімдеген еді. Осы­ған орай АҚШ президенті Швей­царияның Давос қаласына алпысқа жуық елдің басшыларын шақырып, Дүниежүзілік экономикалық форум аясын­да Бейбітшілік кеңесінің алғаш­қы отырысын өткізді. Онда Бейбіт­шілік кеңесінің Жарғысына АҚШ-ты қоса алғанда, 19 елдің көш­басшылары, соның ішінде Қа­зақстан, Әзербайжан, Армения, Өзбекстан, Пәкістан, Индонезия мен Мажарстан басшылары бар. Reuters агенттігінің хабарлауынша, 35 ел Трамптың бастамасына қосылуға келіскен.

«Бейбітшілік кеңесі енді ресми түрде құрылған халықаралық ұйым», деп мәлімдеді Ақ үй­дің баспасөз хатшысы Кэро­лайн Левитт. Ал Д.Трамп Бейбіт­шілік кеңесі БҰҰ-мен ынты­мақ­тасатынын айтты. Алай­да АҚШ көшбасшысы Бей­біт­шілік кеңесі жаһандық мәсе­ле­лерді шешуде БҰҰ-ны алмас­тыруға тырыспайтынын атап
өтті.

Инфографиканы жасаған – Амангелді Қияс, «EQ»

Deutsche Welle ақпарат агенттігінің хабарлауынша, 1 млрд доллар жарна тө­леген ел­дер Бейбітшілік кеңе­сіне тұ­рақ­ты мүше бола алады. Еліміз де Да­востағы Дү­ние­жүзілік экономикалық форумында Бейбітшілік кеңесінің құрамы­на енді. Алайда жарна төлеген жоқ. Ақорданың баспа­сөз қыз­меті хабарлағандай 1 млрд доллар көлеміндегі жарна мүшелік­тің шарты емес, бұл әрбір қаты­сушының құқығы.

«Бейбітшілік кеңеске кіру үшін тек мемлекеттің тәуелсіз шешімі қажет. Кірген сәттен бас­тап мемлекеттің Кеңесте болу мерзімі үш жылды құрайды. Жарғыда айтылған 1 млрд доллар көлеміндегі ерікті жарна мүшеліктің шарты емес. Бұл әрбір қатысушының құқығы. Қазақстан Бейбітшілік кеңесіне қандай да бір қаржылық жарна енгізбестен кірді, бұл жарғының ережелеріне толық сәйкес келеді», деді Ақорданың баспасөз қызметі. Мәліметке сүйенсек, егер 1 млрд доллар жарна бірінші жыл ішінде төленсе, мемлекет өзінің Кеңестегі қызметін белгіленген үш жылдық мерзімнен тыс ұзартуға мүмкіндік алады.

Бейбітшілік Жарғысының ережесіне сәйкес, АҚШ пре­зиденті Бейбітшілік кеңесінің алғашқы төрағасы болып сайланды. Ол Кеңеске қатысатын елдерге шақырту жіберу туралы шешімді жеке өзі қабылдауға құқылы.

Қазір Газа секторына көмек ауадай қажет екені айтпаса да тү­сінікті. Ондағы әскери әре­кет­­­тердің салдарынан маңыз­ды инфрақұрылымдар қираған. БҰҰ-ның мәліметіне сүйенсек, 60 000-нан астам ғимарат үйіндіге айналған. Су жүйелерінің жетпіс пайызы жарамсыз болып қалған. Осы орайда Бейбітшілік кеңесі тұрғындарға жедел гуманитарлық көмек көрсетуге басымдық беріп отыр. БҰҰ есептеуінше, аймақ­ты толық қалпына келтіруге кем дегенде 70 млрд доллар қаражат қажет. Израиль бұған дейін қи­ран­дыларды тазартуға қаржы төлеу­ге дайын екенін мәлімдеген еді. Алайда әзірге еш әрекет жаса­мады. Ақпарат көздеріне сүйен­сек, Кеңес жарнасы қалпына келті­ру жұмысына жұмсалады. 

Соңғы жаңалықтар

Шекара маңындағы ауылдар қайта өркендеу кезеңіне аяқ басты

Ауыл • Бүгін, 09:40

Цифрлық трансформацияның жаңа кезеңі

Пікір • Бүгін, 09:38

Суперкомпьютердің мүмкіндігі мол

Технология • Бүгін, 09:35

Қателіктің алдын алады

Ғалам ғажаптары • Бүгін, 09:30

Басқа басылымдардан: Қазақстан мен Өзбекстан Бейбітшілік кеңесінің Жарғысына қол қойды

Басылым • Бүгін, 09:28

Жоғары білімге ЖИ-ді енгізу нені өзгертеді?

Білім • Бүгін, 09:25

Соғыста да адамзаттық қағидаттар сақталуы шарт

Әлем • Бүгін, 09:23

Кітап қорын толықтыруда нені ескеру керек?

Мәдениет • Бүгін, 09:20

Елімізде «Oxford Hub» ашылады

Білім • Бүгін, 09:15

Мәдени құндылықты сақтау жайы байыпталды

Саясат • Бүгін, 09:12

Мемлекеттілік тарихының бедерлі белестері

Пікір • Бүгін, 09:10

Бизнес және жайлы іскерлік орта

Саясат • Бүгін, 09:07

Ұлт ұпайын түгендеген басқосу

Пікір • Бүгін, 09:05

Қазына қаржысы мақсатсыз жұмсалмауға тиіс

Қаржы • Бүгін, 09:02

«Қыз алып қашу» – ауыр қылмыс

Қоғам • Бүгін, 08:57

Барлық жаңалықтар