Бейжай қарамайтын қазақстандықтар тағы бір жалақы ала алады

Қазақстанда бей-жай қарамайтын азаматтар мүше бола алатын аумақтық кеңестер құрылады. Олар өз елді мекендеріндегі мәселелерді шешумен айналысады. Депутаттар мұндай азаматтардың қоғамдық жұмысына ақы төлеуді қолдады, деп хабарлайды Tengrinews.kz тілшісі.

Қазақстанда бей-жай қарамайтын азаматтар мүше бола алатын аумақтық кеңестер құрылады. Олар өз елді мекендеріндегі мәселелерді шешумен айналысады. Депутаттар мұндай азаматтардың қоғамдық жұмысына ақы төлеуді қолдады, деп хабарлайды Tengrinews.kz тілшісі.

Бүгін Мәжілісте мемлекеттік басқару және өзін-өзі басқару мәселелері туралы заң жобасы бірінші оқылымда мақұлданды. Құжатта алғаш рет "аумақтық кеңестер" ұғымы ресми түрде бекітіледі.

Құжатқа сәйкес, қатардағы азаматтар құқық бұзушылықтармен, тіпті экстремизммен және терроризммен күреске қатыса алады, сондай-ақ абаттандыру, мектептер мен ауруханалардың жұмысы және тағы басқа мәселелерді шешуге атсалысады.

Мәжіліс депутаты Екатерина Смышляевадан бұл қызмет үшін ақы төленетін-төленбейтіні сұралды. Ол әріптестерінің осындай ұсыныс білдіргенін айтты.

"Тұтастай алғанда, біз мұндай құқықты береміз (кеңес мүшелеріне ақы төлеу ред. ескертпесі). Қазір алдымызда оңай емес міндет тұр: мұндай төлемді қай мемлекеттік орган, қай бюджет қарастыратынын түсінуіміз керек. Егер әкімдік пен мәслихат аумақтық кеңес мүшелерін көтермелеу туралы бірлескен шешім қабылдаса, бұл дұрыс тәжірибе деп есептеймін. Егер адамдардың жұмыс істегенін қаласақ, көтермелеуді қарастыру қажет, өйткені әсіресе үлкен шағын аудандар деңгейіндегі қоғамдық қызмет бүкіл уақытты алады. Бұл тұрғыда қолдаймыз", - деді Екатерина Смышляева Мәжілісте өткен брифингте.

Бұл механизмнің қалай жүзеге асатынын депутат нақтыламады. Мәселе заң жобасының екінші оқылымына дейін пысықталуы мүмкін.

ОБСУЖДАЕТСЯ СЕЙЧАС

Қорғаныс министрлігі Атырау облысында әскери техника түсірілген видеоға пікір білдірді

31 наурыз 16:22 1

Қызылордадағы жол апаты: марқұмның отбасы Lexus жүргізушісі кінәлі болуы мүмкін екенін мәлімдеді

30 наурыз 15:27 1

Қазақстанның Халық жазушысы Мұхтар Шаханов өмірден өтті

19 сәуір 22:47 1

Google News арқылы жаңалықтарымызды қадағалаңыз