Берлиннің қақ ортасындағы қолма қол айқас: БҚО лық лейтенант не үшін Халық қаһарманы атанды

Президент Қасым-Жомарт Тоқаев Ұлы Отан соғысының ардагері Кенжебай Мәденұлы Мәденовке (марқұм) "Халық қаһарманы" атағын беріп, айрықша ерекшелік белгісі – Алтын жұлдыз бен "Отан" орденін тапсырды. Награда 2026 жылғы 5 мамырдағы жарлықпен соғыс жылдарында көрсеткен ерлігі мен батылдығы үшін берілді. Tengrinews.kz қаһарманның өмірбаяны мен ерен ерлігі туралы толығырақ баяндайды.

Президент Қасым-Жомарт Тоқаев Ұлы Отан соғысының ардагері Кенжебай Мәденұлы Мәденовке (марқұм) "Халық қаһарманы" атағын беріп, айрықша ерекшелік белгісі – Алтын жұлдыз бен "Отан" орденін тапсырды. Награда 2026 жылғы 5 мамырдағы жарлықпен соғыс жылдарында көрсеткен ерлігі мен батылдығы үшін берілді. Tengrinews.kz қаһарманның өмірбаяны мен ерен ерлігі туралы толығырақ баяндайды.

Кенжебай Мәденов 1925 жылы 19 ақпанда Батыс Қазақстан облысы Қаратөбе ауданы Қаракөл ауылдық округінің Ақтайсай ауылында дүниеге келген.

1944 жылы 19 жасында ол 266-атқыштар дивизиясы 1008-полкі 2-батальоны 5-ротасының взвод командирі болып тағайындалды.

1945 жылы 29 сәуірде Кенжебай Мәденов Берлин үшін шайқаста қаһармандық пен батылдық танытты. Берлин операциясы кезінде оның взводына қаланың Рейхстагтан кейінгі ең маңызды әкімшілік орталығы - Ратушаның шатырына Қызыл ту тігу тапсырылған.

Бұл оқиға нацистік режим құлағанының нышандарына айналып, кеңес әскерінің рухын көтерді және шабуылдың одан әрі жалғасуына ықпал етті.

Мәденовтің ерлігі туралы Кеңес Одағының маршалы Георгий Жуков өзінің " Воспоминания и размышления" атты кітабында жазған.

ҚАЗІР ТАЛҚЫЛАНЫП ЖАТЫР

Қазақстанның Ибраһим келісімдеріне ресми түрде қосылу рәсімі Астанада өтуі мүмкін

27 сәуір 20:44 1

Медалін шешуді ұмытып кеткен қазақстандық спортшы әуежайда қызық жағдайға тап болды

29 сәуір 08:10 1

Қазақстанның Халық жазушысы Мұхтар Шаханов өмірден өтті

19 сәуір 22:47 1

"29 сәуірде қала орталығында қиян-кескі шайқастар жүріп жатты. Ратушаға 266-атқыштар дивизиясының 1008-атқыштар полкі мен 1010-полкі шабуыл жасады. Сол шабуылдың куәгерлерінің айтуынша, осы дивизияның сарбаздары қаһармандық көрсетті. Ол жерге лейтенант К.М. Мәденовтің взводы бірінші болып басып кірді. Ержүрек лейтенантпен бірге Н. Кондрашев пен басқа да жауынгерлер батыл қимылдады. Олар ғимараттың вестибюльдері мен дәліздеріне қол гранаталарын лақтырды. Әр бөлмені шайқаспен алуға тура келді", - деп жазды Жуков.

5-ші соққы беруші армияның Әскери кеңесінің мүшесі, генерал-лейтенант Федор Боков "Весна Победы" кітабында да Ратушаға жасалған шабуылды сипаттаған.

"Шабуыл кезінде Ратушаға бірінші болып кірген лейтенант К.М. Мәденовтің сарбаздары ерекше көзге түсті. Қызыл Армия сарбаздары К. Крютченко, Н. Кондрашов және И. Кашпуровский шайқастың алғашқы минуттарында қырықтан аса фашистің көзін жойды, ал лейтенант Мәденов қоян-қолтық айқаста өзіне тап берген фашисті қанжар сұғып өлтірді", - делінген кітапта.

Кенжебай Мәденовтің қолбасшылығындағы взводтың ерлігі КСРО Қарулы Күштері министрлігі 1948 жылы басып шығарған "Штурм Берлина" кітабында да баяндалған. Ратуша үшін шайқас туралы Мәденовтің өзі де жазған - оның материалы 1970 жылы 6 маусымда "Коммунистік Қазақстан" журналында жарық көрді.

Мәденовтің есімі 1985, 1993 және 2004 жылдардағы "Қазақстан тарихы" мектеп оқулықтарында аталды. Оның ерлігі туралы неміс журналистері Клаус Похе мен Ганс Олива "Түн аяқталғанда" кітабында да жазған.

Соғыстан кейін Кенжебай Мәденов ҚазКСР МҚК-нің Батыс Қазақстан және Гурьев облыстары бойынша органдарында қызмет етті. Оның қызметі 1950 жылдан 1974 жылға дейін жалғасты. Ол 1974 жылы 26 желтоқсанда қайтыс болды.

2001 жылғы желтоқсанда Атырау облысы бойынша ҰҚКД ғимаратына мемориалдық тақта орнатылды. 2005 жылы Атырау қаласында Кенжебай Мәденовтің есімі бір көшеге берілді.

"Халық қаһарманы" атағын беру Кенжебай Мәденовтің есімін және оның Берлинді алу кезіндегі ерлігін мәңгі есте қалдыру жолындағы тағы бір қадам болды.

Google News арқылы жаңалықтарымызды қадағалаңыз