BMW жаңа X5 ті бес нұсқада таныстырды

Жаңа X5 моделінің қатарына мынадай нұсқалар енді:

48 вольттық жұмсақ гибрид жүйесімен жабдықталған бензинді X5; 286 ат күшіне ие X5 40d xDrive дизельдік нұсқасы (ең жоғары жылдамдығы – 230 км/сағ); Қуат көзіне қосып қуатталатын гибрид (PHEV); Толық электрлі iX5 60 xDrive; Сутегімен жүретін iX5 Hydrogen (кейінірек шығарылады).

Электрлі iX5 60 xDrive 141 кВт/сағ сыйымдылықтағы аккумулятормен жабдықталған. Ол WLTP стандарты бойынша бір қуаттаумен 645-тен 845 шақырымға дейін жүре алады.

«Ешкімнің ойына келмеген шешім»: BMW жаңа жабдық ойлап тапты

Ал гибридті нұсқа жоғары отын үнемділігін көрсетеді: аралас циклдегі отын шығыны 100 шақырымға небәрі 0,80-1,20 литр.

Бұған дейін интернетте гибридтің бір қуаттау және бір жанармай құюмен 2 000 шақырымға дейін жүре алатыны туралы ақпарат тараған болатын. Алайда бұл мәлімет шындыққа сәйкес келмейді. BMW жариялаған ресми техникалық сипаттамалар мұндай көрсеткішті растамайды.

iX5 Hydrogen сутекті нұсқасы жаппай өндіріске тек 2028 жылы шығарылады. BMW бұл модельге арналған жоғары вольтты жүйенің орталық басқару блогын Германияның Ландсхут қаласындағы зауытында өндірудің өндірісалды кезеңін бастап кетті. Ал 2028 жылдан бастап Австрияның Штайр қаласындағы зауытта сутекті отын элементтері шығарыла бастайды.

8 миллион теңгеге қандай жаңа көліктер алуға болады?

Сатылымның басталуы және бағасы

Жаңа BMW X5 моделінің алғашқы нұсқаларының сатылымы 2026 жылдың қараша айының соңында басталады. Ал толық электрлі және қуат көзіне қосып қуатталатын гибрид (PHEV) нұсқалары 2027 жылдың басында нарыққа шығарылады.

Еуропада базалық, қатарлы алты цилиндрлі қозғалтқышпен жабдықталған нұсқалардың бастапқы бағасы 94 800 еуродан (қазіргі бағам бойынша шамамен 52 млн теңге) басталады.

Ал қуаттырақ модификациялардың құны 163 200 еуроға дейін (шамамен 89,5 млн теңге) жетеді.

Жүргізушісіз такси: Алматы мен Астанада жаңа көлік қызметі енгізіледі