Елорданың Қаллеки театрында Ромео Джульетта трагедиясы жаңа нұсқада қойылды

Бүгін Қаллеки театрында Шекспирдің Ромео-Джульетта трагедиясы жаңа нұсқада қойылды.

Әлемдік шығарманы сахна тіліне лайықтаған белгілі ресейлік режиссер Улан Баялиев. 

Нәзік сезім өзекті өртеген өшпенділікке қарсы тұра ала ма? Данышпан Шекспирдің адамзатқа қойған сауалы қай ғасырда болмасын өзектілігін жоймаған. Бірегей спектакльге жаңаша рең беру үшін елордаға театр және кино саласының саңлағы, белгілі ресейлік режиссер Ұланбек Баялиев келді. Ол әлем мойындаған туындыны заманауи көркемдік шешімдермен шебер үйлестіріп, көрерменге тың қырынан танытты.

Ербол Хабылбеков, Қалибек қуанышбаев атындағы қазақ ұлттық музыкалық драма театрының директоры:

- Әлемдік классиканы ала тұра біз жанрын өзгертіп, синема-эпос деп жасадық. Бұл қазіргі таңда заманға сай, жастарға арналған, драйвқа толы динамикалық керемет спектакль шығардық. Режиссері - Мәскеу қаласынан келген Ұланбек Баялиев деген азамат. Сондай бір стилизацияға толы керемет спекталь болды деп айта аламын.

Жаңа қойылым кино тілі мен театр тереңдігінің синтезі десек те болады. Ауқымды, поэтикалық, заманауи... Әртістердің мінсіз ойыны мен сахнадағы жарқын киім үлгілері көрер көзді баураса, тыңнан түрен салған шығармашылық топтың тапқырлығы көңіл қылын дөп басты.

Жадыра Сахиева, киім суретшісі, ҚР Мәдениет қайраткері:

- Біз енді көбінесе ұлттық нақыштамыз ғой. Бұл жерде модерн, өзгеше классика да бар. Әрине рең жағынан қазіргі заманға сай қылып жасағанбыз. Неге біздің жастарымызды, өнер, театр дегендей сол кісілерді неге қолдамасқа деп тіктіргенбіз.

Ромео мен Джульетта қойылымы жарық пен түнек, нәзіктік пен зұлымдық арасындағы бітпес тартысты баяндайтын шоқтығы биік шығарма. Шығармашылық ұжым Шекспирдің трагедиясын классика мен заманауи тәсілді үйлестіру арқылы бүгінгі буынға етене таныс нұсқада ұсынды.

Назерке Тоқжан, Бағдат Қайыркен