Бокстан Азия чемпионаты: қазақстандық төрт спортшы финалға жолдама алды

Қазақстан құрамасынан алғашқы болып рингке Бақыт Сейдіш (70 келіге дейін) шықты. Ол Қытай өкілі Алимире Абудурейимуға қарсы жекпе-жектің алғашқы раундында сенімді өнер көрсетіп, басымдыққа ие болды. Екінші раундта да Бақыт қарсыласынан басым түсті. Нәтижесінде отандасымыз айқын басымдықпен жеңіске жетті.

Посмотреть эту публикацию в Instagram

Публикация от Kazakhstan Boxing Federation (@boxingkazakhstan)

Сонымен қатар, 80 келіге дейінгі салмақта жарыс жолын 1/2 финалдан бастаған бұрымды боксшымыз Надежда Рябец 3:1 есебімен жеңісті суырып алды. Ол бұл кезеңде Үндістан өкілі Пужа Ранимен кездесті.

Посмотреть эту публикацию в Instagram

Публикация от Kazakhstan Boxing Federation (@boxingkazakhstan)

Сондай-ақ, 80 келіден жоғары салмақтың финалында шаршы алаңға Қазақстан әйелдер құрамасының өкілі Дина Исламбекова шығады. Ол жартылай финалда төрешілердің шешімімен өзбекстандық Олтиной Сотимбоевадан басым түсті.

Посмотреть эту публикацию в Instagram

Публикация от Kazakhstan Boxing Federation (@boxingkazakhstan)

Ерлер құрамасына ойыссақ, жартылай финалда Төрехан Сабырхан Қытай өкілі Ван Пэйченді сенімді түрде жеңіп, финалға жолдама алды. Спортшы алғашқы раундтан-ақ басымдықты өз қолына алды. Ол тек бірінші үшминуттықта ұтып қана қоймай, қарсыласын нокдаунға жіберді. Екінші раундта да қарсыласын екі рет нокдаунға түсіріп, төреші жекпе-жекті мерзімінен бұрын тоқтатты.

Посмотреть эту публикацию в Instagram

Публикация от Kazakhstan Boxing Federation (@boxingkazakhstan)

Осылайша, шешуші кезеңге Бақыт Сейдіш (70 келіге дейін), Надежда Рябец (80 келіге дейін) және Дина Исламбекова (80 келіден жоғары) мен боксшы Төрехан Сабырхан өтті.