Болгария ұлттық валютадан бас тартады

1 қаңтардан бастап Болгария еуроаймаққа қосылып, ұлттық валютасынан бас тартады. Левадан еуроға өтеді. 

Осылайша, Болгария еуроаймаққа кіру үшін барлық талаптарды ресми түрде орындаған 21-ші ел атанады. Алайда жүргізілген сауалнамаға сәйкес халықтың тең жартысы еуропалық валютаға ауысуға қарсылық танытты. Кей тұрғындар бұл бағаның өсуіне әкеледі деп алаңдайды. Дей тұрғанмен елдегі бизнес өкілдері еуроға көшуге дайындықты бастап кетті. Дүкендердегі баға екі валютада көрсетілген. Рейтер агенттігінің мәліметіне қарағанда, осыдан кейін еуроны пайдаланатын еуропалықтар саны 350 миллион адамнан асатын болады.