БҰҰ Астанада өткен діндер лидерлерінің VIII съезін жоғары бағалады

Астанада өткен Әлемдік және дәстүрлі діндер лидерлерінің VIII Съезі Біріккен ұлттар ұйымының жоғары бағасына ие болды.

Бұл жайлы Нью-Йорктегі еліміздің тұрақты өкілдігінде Өркениеттер альянсының Жоғары өкілі Мигель Анхель Моратинос мәлімдеді. Дипломаттар, қоғам белсенділері және БАҚ өкілдері жиналған іс-шарада Астанадағы діндер съезінің маңызына ерекше көңіл бөлінді. Әсіресе «2025 Астана бейбітшілік декларациясының» құндылығы айрықша атап өтілді. Жиында еліміздің БҰҰ жанындағы тұрақты өкілі Қайрат Омаров Съездегі Діни нысандарды қорғау жөніндегі арнайы сессияның нәтижесін баяндамасына арқау етті.

Қайрат Омаров, БҰҰ жанындағы Қазақстан Республикасының тұрақты өкілі:

- Биылғы съездің назар аударарлық тұсы Президент Қасым-Жомарт Тоқаевтың төрағалығымен қабылданған «2025 Астана бейбітшілік декларациясы» болды. «Әртүрліліктегі бірлік» қағидатына негізделген құжат Біріккен ұлттар ұйымының діни нысандарды қорғау жөніндегі іс-қимыл жоспарымен үндеседі. Әрі Өркениеттер альянсының бейбітшілік мәдениетін ілгерілетуге сеп болады.   

Мигель Анхель Моратиноc, БҰҰ Бас хатшысының орынбасары, өркениеттер альянсының жоғары өкілі