БҰҰ тұтқындағы қызметкерлерінің босатылғанын растады

БҰҰ-ның Йемендегі тобы мәлімдемесінде 15 халықаралық қызметкер енді кешенде емін-еркін жүре алатынын айтты. Сондай-ақ олар қазір тиісті агенттіктер және отбасыларымен байланыс орнатты.

18 қазаннан бері хуситтер тұтқында ұстаған 5 ұлттық қызметкердің босатылғаны да расталды.

— «Ансар Алла» қауіпсіздік қызметкерлері Санадағы БҰҰ ғимаратын тастап кетті, — делінген хабарламада.

Бұл хусит содырлары Санадағы БҰҰ ғимаратына басып кіргеннен екі күн өткен соң болды.

Йемен әлемдегі ең ауыр гуманитарлық дағдарыспен арпалысып жатыр. Үкімет пен хусит көтерілісшілер тобы арасындағы 10 жылға жуық қақтығыс 150 000-нан астам адамның өмірін қиып, миллиондаған адам көмекке мұқтаж болды.

Айта кетейік, бір күн бұрын йемендік хуситтер БҰҰ-ның 20 қызметкерін тұтқынға алған болатын.