CENTCOM: АҚШ тың десанттық кемесі Таяу Шығысқа жетті

Мәлімдемеге сәйкес, USS Tripoli (LHA 7) кемесінің бортындағы АҚШ теңіз жаяу әскерлері мен теңізшілер 27 наурыз күні CENTCOM жауапкершілік аймағына жеткен.

Қолбасшылықтың дерегіне сәйкес, USS Tripoli шамамен 3 500 теңізші мен теңіз жаяу әскерінен тұратын экспедициялық күштердің флагманы болып саналады. Кеме құрамында көлік және соққы беретін жойғыш ұшақтар, десанттық және тактикалық техникалар бар.

Кеменің аймаққа жіберілуі АҚШ пен Израильдің Иранға қарсы бірлескен соққылары жалғасып жатқан кезеңге тұспа-тұс келді. Бұл қақтығыстар 28 ақпанда басталып, 1 340-тан астам адамның өмірін қиғаны белгілі.

Өз кезегінде Иран Израильге, сондай-ақ Иордания, Ирак және Парсы шығанағы елдеріндегі АҚШ әскери нысандарына дрондар мен зымырандар арқылы жауап соққыларын жасаған. Соның салдарынан адам шығыны тіркеліп, инфрақұрылымға зақым келіп, әлемдік нарықтар мен әуе қатынасына әсер еткен.

Бұған дейін Дональд Трамп Иранға 15 тармақтан тұратын бейбіт жоспар ұсынғанын жаздық.

Алайда Иран АҚШ-тың соғысты тоқтату туралы жоспарынан бас тартқаны айтылды.