Ferrari Таяу Шығысқа көлік жеткізуді тоқтатты

Milano Finanza агенттігінің хабарлауынша, бұл шешім Иран төңірегіндегі әскери шиеленістерден туындайтын тәуекелдердің артуына байланысты болды. 

Сонымен қатар, компанияның басқа нарықтарға жеткізілімдерді ішінара қайта бөлуге мүмкіндік беретін айтарлықтай тапсырыс қалдығы бар. Кейбір көліктер әуе арқылы жеткізілетін болады.

2025 жылғы деректерге сәйкес, Таяу Шығыста брендтің шамамен 600 люкс спорттық көлігі сатылды. Жеткізу тоқтатылғаны туралы хабардан кейін Ferrari акциялары шамамен 4%-ға төмендеді.

Айта кетейік, Nissan Таяу Шығыстағы күрделі ахуалға байланысты автокөлік өндірісін қысқартады. 

Қысқарту Nissan X-Trail (кей елдерде Rogue атауымен сатылады) және Nissan Serena модельдеріне қатысты. Ал Nissan Shatai Kyushu Co. зауытында шығарылатын жол талғамайтын үлкен Nissan Patrol моделінің өндірісі өзгеріссіз қалады.