Дағыстандағы су тасқыны: 2000 нан астам үй су астында қалды

Дағыстанда нөсер жаңбыр жауып, аймақтағы бірнеше муниципалитетті су басуына себеп болды. Салдарынан тұрғын үйлер мен электр станцияларын су басып, көлік қозғалысы қиындады. Билік кейбір аудандарда төтенше жағдай жариялады.

Ресей Төтенше жағдайлар министрлігінің баспасөз қызметінің хабарлауынша, Дербент ауданындағы Геджух су қоймасында бөгет жарылып, Мамедкала, Юный Пахарь, Геджук және Кала елді мекендерінің тұрғындары ішінара эвакуацияланды.

4165 адам, оның ішінде 823 бала қауіпсіз аймаққа көшірілді. Алты уақытша орналастыру орталығы құрылды.

ауа райы салдарынан үш адам қаза тапты. Сондай-ақ Кирки ауылында көшкін кезінде тағы бір әйел қаза тапты.

Махачкаланың Перов көшесінде көшкін салдарынан жапсарлай салынған ғимарат көпқабатты үйге құлады. 500 адам, оның ішінде 150 бала эвакуацияланды. Үйдің өзі де құлау алдында тұр.

Бұған дейін Ауғанстандағы су тасқыны 77 адамның өмірін қиғаны хабарланған болатын.