Дәрігерлер науқастың көзінен құртты алып шықты. Бойжеткен 6 ай бойы денесіндегі құртпен жүрген

Дәрігерлер пациенттің көзінде алты ай бойы жүрген құртты алып шықты. Оқиға Дағыстанда болған, деп хабарлайды Arasha.kz.

Паразиттің дернәсілі ағзаға маса шаққаннан кейін түскен, деп жазды Baza телеграм арнасы.

Махачкала тұрғыны Суайба «Baza» басылымына берген сұхбатында маса шаққаннан кейін біраз уақыт өткен соң сол көзінде ауырсыну мен түрпідей қышу сезімі пайда болғанын айтқан.  

Қабақтың астында бірдеңе қимылдап жүргендей көрінген. Кейінірек ол тері астынан құртты байқаған. Алайда бойжеткен дәрігердің қабылдауын күтіп жүргенде, паразит дененің басқа бөлігіне «өтіп кетіп», оны алып шығу мүмкін болмаған. Оған құрт қайтадан көзге оралғанша алты ай бойы онымен бірге жүруге тура келген, паразит көрінген бойда ол бірден дәрігерлерге жүгінген. Бұл жолы хирургтар паразитті ота арқылы алып үлгерді.

Дәрігерлер бойжеткенге дирофилярия құртының дернәсілін маса жұқтырғанын түсіндірді. Ресейде мұндай жағдайлар сирек кездеседі, бірақ оңтүстік аймақтарда орын алып тұрады екен. 

Мамандардың айтуынша, дирофиляриозды көбінесе мысықтар мен иттер жұқтырады. Паразитті көз айналасынан анықтау және алып шығу оңайырақ, өйткені қабақтың терісі өте жұқа келеді.