Димаш Құдайберген Стамбұлда өтетін фестивальге қатысады

23 мамыр Димаш Құдайберген Ыстанбұл қаласында өтетін VIII Этноспорт мәдениеті фестивалі аясында өнер көрсетеді. Бұл туралы dimashnews.com жазды, – деп жазды Aikyn.kz.  

Аталған іс-шара Дүниежүзілік этноспорт конфедерациясының ұйымдастыруымен 21–24 мамыр аралығында Ататүрік атындағы әуежай аумағында өтеді.

Фестиваль бағдарламасы дәстүрлі спорт түрлері мен ұлттық ойындарды, қолөнер көрмелерін, гастрономиялық аймақтарды, театрландырылған қойылымдар мен шығармашылық кештерді қамтиды.

2025 жылы фестивальге бір миллион адам қатысқан болса, ұйымдастырушылар биыл келушілер санын 1,5 миллионға жеткізуді мақсат етіп отыр.

Қазақстанның халық әртісі Димаш Құдайберген 23 мамырда Türk Telekom басты сахнасында концерттік бағдарламасымен өнер көрсетеді. Концерттің басталу уақыты — жергілікті уақыт бойынша сағат 20:00.

Фестиваль аясындағы барлық іс-шара көпшілік үшін тегін.

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз.