Димаш Құдайберген жаңа әнін жарыққа шығарды

Клип минимализм стилінде түсірілген. Бейнебаянда 40 музыкант өнер көрсетеді. Видеоның режиссері – Ғалым Асылов.

"Қымбатты достар! Сіздерге деген шексіз махаббатым мен ризашылығымды сөзбен емес, ән арқылы жеткізгім келеді", – деп жазды Димаш Instagram парақшасында.

Ол продюсерлік жобасы – "Voice Beyond Horizon"-қа көрсетілген қолдау үшін ерекше алғыс білдіретіндігін атап өтті.

"12 ақпанда Hunan TV арнасында біздің "Voice Beyond Horizon" шоуының екінші бөлімі көрсетіледі. Алғашқы бөлімі менің YouTube-арнамда жарияланған. Елімізде амандық пен береке болсын! Баршаңызды құшақтаймын!" – деп үндеуін қорытындылады әнші.

Посмотреть эту публикацию в Instagram

Публикация от Qazaqstan Ұлттық телеарнасы (@qazaqstantv)

Сонымен қатар, 14 ақпанда Qazaqstan телеарнасы бұл халықаралық телевизиялық жобаны эфирге шығарады. Шоудың көрсетілімі туралы хабарландыру арнаның әлеуметтік желідегі парақшаларында жарияланды.