Дональд Трамп: Қытай АҚШ тан 200 Boeing ұшағын сатып алады

Дональд Трамп Қытайдың Boeing компаниясынан 200 ұшақ сатып алуға келіскенін мәлімдеді. Бұл туралы ол Fox News арнасына берген сұхбатында айтты.

Трамптың сөзінше, бастапқыда америкалық компания 150 ұшақ сатуды жоспарлаған.

«Бұл – өте көп жұмыс орны», – деді АҚШ президенті.

Бұған дейін америкалық БАҚ Қытай шамамен 500 дана Boeing 737 MAX ұшағына және 100-ге жуық ірі лайнерге, соның ішінде Boeing 787 Dreamliner мен Boeing 777 модельдеріне тапсырыс беруі мүмкін екенін хабарлаған.

Келіссөздерге Келли Ортберг те қатысқан. Алайда компания әзірге Трамптың мәлімдемесіне қатысты ресми пікір білдірген жоқ.

Сонымен қатар Трамп Си Цзиньпиннің Иран мәселесін реттеуге көмектесуге дайын екенін айтқанын жеткізді.

АҚШ президентінің мәліметінше, Қытай тарапы Ормуз бұғазының қайта ашылуына мүдделі. Қазіргі уақытта АҚШ пен Израильдің Иранға қарсы әскери іс-қимылдары аясында бұғаз арқылы мұнай тасымалы қиындаған.

Өз кезегінде АҚШ мемлекеттік хатшысы Марко Рубио NBC News арнасына берген сұхбатында Вашингтон Бейжіңнен көмек сұрамағанын айтты.