Дрондар мен ЖИ: қысқы Олипиадада қандай жоғары технологиялар қолданылып жатыр

olympics.com сайтының хабарлауынша, Olympic Broadcasting Services (OBS) дрондар мен жасанды интеллектімен жұмыс істейтін 360 градустық кескінді қайта ойнату технологиясынан бастап, кинематографиялық және виртуалдандырылған өндіріс әдістерін пайдаланып, телекөрермендерге 2026 жылғы қысқы Олимпиада ойындарын ең инновациялық және иммерсивті тікелей эфир ұсынып отыр.

Фото: Мұхтар Қалимоллаұлы/Kazinform

OBS компаниясы Милан-Кортина Олимпиадасының ашық аспандағы және жабық кешендегі спорт түрлерінде барлығы 25 дрон, оның ішінде 15 бірінші жақтан көру (FPV) дроны қолданылып отыр.

OBS компаниясының бас директоры Яннис Экзархостың айтуынша, технологиялар көрермендердің спорттық жарысты терең сезінуіне мүмкіндік береді. Сондай-ақ, бұл спортшылар үшін қауіпсіз екенін баса айтты.

Фото: Мұхтар Қалимоллаұлы/Kazinform

- Ең маңыздысы қауіпсіздікті қамтамасыз ету және спортшылардың өздері бұл идеяны қабылдап, өздерін жайлы сезінгеніне көз жеткізу болды. Олар қатты қуанды. Біз оларды қолданатын әрбір спорт түрі үшін Халықаралық федерациялармен бірлесіп бірқатар сынақ жүргізіп, барлық спортшыларға дрондарды таныстырдық,- деп түсіндірді Экзархос.

Фото: Мұхтар Қалимоллаұлы/Kazinform

Оның айтуынша, жасанды интеллект (ЖИ) технологиясы Милан қысқы Олимпиада ойындарында да одан әрі жетілдірілді. Бейжің қысқы Олимпиадасында алғаш рет қолданылған 360 градустық кескінді қайта ойнату технологиясы қазір осы қысқы Олимпиада ойындарының барлық жарыстарына енгізілді. ЖИ технологиясы сонымен қатар мәнерлеп сырғанаушыларының бойы, жылдамдығы және айналу саны сияқты спортшылардың дәл деректері мен 3D қозғалыс кескінін жасай алады.

Синьхуа агенттігінің хабарлауынша, OBS серіктесі Alibaba қолдауымен қызметкерлері үшін нақты уақыт режиміндегі оқиғаларды талдау платформасын да әзірледі. Бұл платформа нақты уақыт режимінде матчтардың қысқаша мазмұнын жасай алады және бейне, аудио, түсініктемелер және деректер мазмұны негізінде әрбір матчтың маңызды сәттерін бөліп көрсете алады.

Фото: olympics.com

Сонымен қатар, осы Олимпиада қазақстандық телекөрермендер Photo-finish технологиясының маңыздылығын айқын сезінді. Отандасымыз Абзал Әжіғалиев шорт-тректен 500 метрге жүгіруде италиялық қарсыласымен мәреге бір уақытта жетті. Қортындысында, Photo-finish технологиясы Абзалдың мәре сызығын бірінші кескенін анықтады.

Еске салайық, XXV қысқы Олимпиада ойындары 6-23 ақпан аралығында Италияның Милан және Кортина-д’Ампеццо қалаларында өтеді.

Бұл қысқы Олимпиада ойындарына Қазақстан құрамасының сапында 36 спортшы қатысады.

Фото: Alibaba Cloud