Д.Трамп: Қазақстанға келуім әбден мүмкін

Дональд Трамп «Қазақстанға келуім әбден мүмкін» деді.

Бұл Ақ үйдегі C5+1 форматындағы саммитте АҚШ президентінің 24KZ тілшісінің сұрағына берген жауабы.

Ақ үйдегі түрлі салалар бойынша келісімдер мен жан-жақты кездесулер арнайы кешкі асқа ұласты. Табақ тартылмай жатып, мемлекет басшылары БАҚ алдында сөз сөйлеп, сұрақтарға жауап берген еді. Сол арада Дональд Трамптың назарын аударып, сұрақ қойып үлгірген Вашингтондағы тілшіміз Ердана Ержанұлымен қазір тікелей байланысқа шықтық. Ақ үйдегі ахуал қалай?

Дональд Трамп, АҚШ Президенті:

- Меніңше, ол күн алыс емес сияқты, қонақ болып барамын. Және сіз айтқан салалардың барлығы заман талабына сай бірінен бірі асып, зор маңызға ие болып отыр. Сіздің еліңіз табиғи ресурстарға өте бай. Және президенттеріңіз де өте мықты. Өте мықты президент.