Геннадий Головкиннің рингке қайта оралуы әбден мүмкін

Бұл ақпаратты Геннадий Головкиннің өзі де терістемеді не растамады, – деп хабарлайды Aikyn.kz сайты.

Сонда ол: «Неге қайта шаршы алаңға шықпасқа? Эмоционалды тұрғыда өзімді бұрынғыдай сезінемін…» деген сөзімен біраз жайтты аңғартқан еді. 

Енді жартылай ауыр салмақ дәрежесіндегі бұрынғы әлем чемпионы Жан Паскаль қазіргі World Boxing ұйымы Олимпиадалық комиссиясы  төрағасының (42-2-1, 37 КО) рингке қайта оралуы ықтимал екенін жасырмады. 

Еске салайық, 43 жастағы боксшы соңғы рет 2022 жылдың қыркүйегінде Сауль «Канело» Альвареспен жұдырықтасты. 

Паскаль бұл жекпе-жектің спорттық амбицияға қатысы жоқ екенін, нақты қаржылық себеппен болатынын алға тартады. 

– Мен оны өте құрметтеймін, ол – аңыз. Бірақ  төрт жыл бойы рингтен тыс болу – жоғары деңгейдегі бокс үшін өте ұзақ уақыт. Рефлекстер, тайминг, ішкі әсер – бәрі-бәрі әлсірейді. Егер ол қайта оралса, бұл тек үлкен гонорар үшін болмақ. Ол өзінің мықтылығын әлдеқашан дәлелдеді, – деді Паскаль.