Дубайда пара Азия ойындары өтіп жатыр

Дубайда жасөспірімдер арасында бесінші Азия пара ойындарының жалауы желбіреді.

Байрақты бәсекеде ел намысын 60-тан астам спортшы қорғап жатыр. Жарыстың екінші күнінде отандастарымыз 19 медаль жеңіп алды. Қазақ параатлеттері пауэрлифтинг, қол күрес және үстел теннисінен олжалы болды. Ал боччадан жасөспірімдеріміз топтық кезеңдегі ойындарын жалғастыруға мүмкіндік алды. Жүзу, садақ ату және жеңіл атлетикаға келсек, бұл сында медальға қол жетпеді. Сол секілді гондболдан ұлттық құрама топтық кезенде Иран командасына 3:5 есебімен есе жіберді. Жалпы отандастарымыз параспорттың 9 түрінен бақ сынауда. Ел қоржынында әзірге 21 медаль бар.

Қайратбек Сейітбеков, ҚР мүмкіндігі шектеулі жандарды спорттық даярлау орталығының басқарма басшысы:

- Бұл жарыстың мақсаты – резервті дайындау. Келешекте болатын жарыстарға жасөспірімдерден ұлттық құрама жасақтау. Қазақстан 9 спорт түрінен қатысуда.

Зарина Әшір, Азия пара ойындарының алтын жүлдегері:

- Үйдегілер қуанып жатыр. Құтты болсын деп. Әлі бұл шыңы емес. Арманым – Олимпиада чемпионы болу.

Даяна Сапарәлі, Азия пара ойындарының күміс жүлдегері:

- Жасөспірімдер арасында екінші орын алдым. Өье қуаныштымын.