ЕАЭО да 10 жыл ішінде 140 миллионға жуық контрафактілік тауар анықталды ЕЭК

АСТАНА, 17 маусым – Sputnik. Бішкекте "Зияткерлік меншік ЕАЭО елдеріндегі бизнес пен экономикалық өсудің құралы ретінде" тақырыбында халықаралық конференциясы өтті.

Іс-шарада ЕЭК кәсіпкерлікті дамыту департаментінің директоры Ернар Бәкенов 2014-2024 жылдар аралығында ЕАЭО елдерінде анықталған контрафактілік тауарлардың жалпы көлемі шамамен 140 млн бірлікті құрағанын хабарлады.

Сондай-ақ ол зияткерлік меншік саласындағы екі халықаралық шарт жобасын келісу бойынша жүргізіліп жатқан жұмыстарға тоқталды.

"ЕАЭО елдерінде интернеттегі зияткерлік меншік құқықтарын қорғау бойынша келісімдер мен үйлестірілген тәсілдер заңды контенттің қауіпсіздігін қамтамасыз етеді. Олар авторлар мен кәсіпкерлерге өз еңбектерінен табыс табуға мүмкіндік береді, сондай-ақ заңсыз контентті жоюға және бұғаттауға көмектеседі.Ол сондай-ақ ЕЭК-те өнеркәсіптік меншік құқықтарын бұзуға қарсы тұрудың келісілген тізілімін құруды қамтамасыз етеді, - деп атап өтті ЕЭК өкілі.

"Еуразиялық экономикалық жол" декларациясын іске асыру жоспары жасанды интеллект тудырған немесе қолданған зияткерлік меншікті қорғау тәсілдерін әзірлеуді көздейді.