ЕАЭО да тауар айналымы 100 млрд долларға жақындады

АСТАНА, 12 мамыр – Sputnik. 2025 жылы Еуразиялық экономикалық одақ елдері арасындағы тауар айналымы рекордтық көрсеткіш – 95 млрд долларға дейін жетті. Бұл туралы Ресей сыртқы істер министрінің орынбасары Михаил Галузин мәлімдеді, деп хабарлайды Sputnik Қазақстан.

ЕАЭО туралы келісім 2014 жылы рәсімделген болатын. Содан бері бес елдің арасындағы тауарлар, қызметтер, капитал мен жұмыс күшінің еркін қозғалысы экономикалық өсімнің басты күшіне айналды.

"Біз одақ құрылғалы бері айтарлықтай экономикалық табыстарға жеттік. 2025 жылы одақ ішіндегі тауар айналымы рекордық деңгей – 95 млрд АҚШ долларынан асты", - деді Галузин "Валдай" пікірталас клубының VI Орталық Азия конференциясында.

Осы орайда министрдің орынбасары Индонезия, Моңғолия мен Біріккен Араб Әмірліктерімен еркін сауда туралы келісімшарттарға қол қойылғанын да еске салды.

"Бұның барлығы ЕАЭО елдерінің тауарларын өткізетін нарықтарды кеңейтіп отыр", - деді дипломат.

Айта кетері, "Валдай" пікірталас клубының алтыншы Орталық Азия конференциясы Геленджик қаласында өтіп жатыр. Тақырыбы: "Ресей және Орталық Азия: жаңа жаһандық құрылымдағы навигация".

Іс-шараға Ресей мен Орталық Азия елдерінің ғалымдары жиналды. Олар жаһандық саясаттағы, халықаралық қауіпсіздіктегі және жаһандық дамудағы негізгі мәселелерді талқылайды.