Қазақстан Ресей тауар айналымы $30 млрд жетеді

Қазақстан мен Ресей өзара тауар айналым көлемін 30 млрд долларға жеткізуді жоспарлап отыр.

Сарапшылар пікірінше, екіжақты сауда-саттықты арттыруға ең алдымен өнеркәсіп кооперациясын, көлік-логистикалық инфрақұрылымды дамыту ықпал етеді. Сонымен қатар энергетика, машина жасау, агроөнеркәсіп салаларында бірлескен жобалар табысты жүзеге асырылуда. Алдағы уақытта жоғары технологиялы ІТ бағыттары, инжиниринг, фармацевтика, минералды шикізатты қайта өңдеу нарықтары экономикалық өсімнің драйверіне айнала алады. Айта кетейік, кейінгі 20 жылда Қазақстан мен Ресей арасындағы сауда-саттық екі еселенген. Ресейлік сарапшылар да стратегиялық серіктестіктің нығаятүсетінін сеніммен айтуда. 

Дмитрий Новиков, РҒА Қытай және Заманауи Азия институтының Орталық Азия бойынша зерттеулер орталығы басшысы:

- Әлемнің көп елдерінде мұндай қарым-қатынас орнатылмаған. Мысалы, Америка мен Канаданы, Ұлыбритания мен Еуропалық Одақты, Қытайдың өзге көршілес елдерін қараңыз. Олардың сауда айналымы үлкен, байланыстары кең, географиялық тұрғыдан да жақын болғанымен, бірақ қатынастары шиеленісті. Ал Ресей мен Қазақстан жағдайында бұл мүлде басқа әңгіме. Бізде географиялық жақындықпен қатар, көшбасшыларымыз арасында да, халықтар арасында да адамгершілік қатынастар маңызды рөлге ие.