ЕАЭО елдеріндегі металлургтер үшін құнды шикізат қолжетімді болады

АСТАНА, 22 қаңтар - Sputnik. Еуразиялық экономикалық комиссияның алқасы феррониобийге нөлдік импорттық баж мөлшерлемесін 2028 жылдың 29 ақпанына дейін қоса алғанға дейінгі мерзімге ұзартты, деп хабарлады комиссия.

Комиссияның кедендік-тарифтік және тарифтік емес реттеу департаментінің басшысы Ваагн Казарянның айтуынша, бұл ферроқорытпа болат өндірісінде кеңінен қолданылады.

"Бұл ферроқорытпа жоғары сапалы арнайы мақсаттағы болаттар өндірісінде кеңінен қолданылады және өте тапшы шикізат болып табылады", - деді ол.

Казарян феррониобий ыстыққа төзімді және тот баспайтын болаттарға қосылған кезде икемділік пен коррозияға төзімділікті арттыратынын айтты. Оны құрылымдық болаттарға енгізу дәнекерлеуді жақсартады, беріктікті арттырады және икемділікті ұлғайтады.

Департамент басшысы комиссияның шешімі Еуразиялық экономикалық одақ елдері нарықтарындағы шикізат тапшылығын азайтатынын, ұйымға мүше елдер өнімдерінің бәсекеге қабілеттілігін арттыратынын және ЕАЭО-дағы металл өндірушілер санын көбейтетінін мәлімдеді.

Шешім ресми жарияланғаннан кейін 30 күнтізбелік күннен кейін күшіне енеді.

Феррониобийге нөлдік мөлшерлеме бұған дейін 2023 жылдың 23 желтоқсанынан 2025 жылдың 31 желтоқсанына дейінгі кезеңге қолданылған болатын.